Баян-Өлгий, Ховдод 4-27мм цас орж цаг агаарын гамшигт үзэгдлийн хэмжээнд хүрчээ

2023 оны 09 дүгээр сарын 26-ны 08 цагаас 2023 оны 09 дүгээр сарын 27-ны 08 цаг хүртэлх цаг агаарын тойм

Цасны зүзаан: Өнөө өглөөний цаг уурын станц, харуулын цасны зузааны мэдээгээр Баян-Өлгийн нутаг, Ховдын баруун хэсэг, Увсын зарим газар, Хөвсгөлийн хойд хэсгээр 0.0-30.0 см зузаан цасан бүрхүүл тогтсон байна. Үүнээс хамгийн их нь Хөвсгөлийн Ханх 30.0 см,  Баян-Өлгийн Сагсай 20.0 см, Ховдын Дунд-Ус 16.0 см, Увсын Малчин 14.0 см, Баян-Өлгийн Ялалт, Ховдын Дуут 12.0 см, Ховдын Эрдэнэбүрэн, Баян-Өлгийн Дэлүүн 10.0 см, бусад нутгаар 0.0-9.0 см цасан бүрхүүл тогтсон байна.

Хур тунадас: Өнгөрсөн хоногт баруун аймгуудын зарим газар, төвийн аймгуудын хойд хэсэг, зүүн  аймгуудын нутгийн зарим газраар 0.0-30.0 мм бороо, нойтон цас орсон байна. Үүнээс хоногийн нийлбэрээр хамгийн их нь Ховдын Мянгад 30.0 мм, Дунд-Ус 23.0 мм, Жаргалант 22.0 мм , Дорнодын Баяндун 19.0 мм, Сэлэнгийн Сүхбаатар 13.2 мм, Баян-өлгийн Дөчинжил, Ховдын Эрдэнэбүрэн, Сэлэнгийн Хүдэр, Дорнодын Дашбалбар 11.0 мм, бусад нутгаар 0.0-10.0 мм бороо, нойтон цас орсон байна.

Температур их: Өчигдөр өдөр нутгийн зүүн хагаст өмнөх өдрөөсөө 1-10 градусаар хүйтэрч Алтай, Хангай, Хөвсгөлийн уулархаг нутаг, Завхан голын эх, Байдраг, Идэр голын хөндийгөөр 0...+5 градус, говийн бүс нутгийн хойд хэсэг, Хэнтийн уулархаг нутгаар +9...+14 градус, Халх голын сав газраар +24 градус, говийн бүс нутгийн өмнөд хэсэг болон Дорнод-Дарьгангын тал нутгаар +13...+18 градус, бусад нутгаар +5...+10 градус дулаан байв.

Температур бага:  Алтайн уулархаг нутгаар -10...-15 градус, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр голын хөндийгөөр -3...-8 градус хүйтэн, говийн бүс нутгийн өмнөд хэсэг, Орхон Сэлэнгийн сав газар, Дорнод-Дарьгангын тал нутгаар +3...+7 градус, бусад нутгаар -2...+4 градус дулаан хонов.

Салхи: Өнгөрсөн хоногт ихэнх нутгаар баруун хойноос секундэд 7-12 метр, говь талын нутгаар зарим үед секундэд 18-20 метр хүрч ширүүссэн байна.

Улаанбаатар хот орчмоор: Өнгөрсөн шөнө 0.0 мм бороо орсон байна. Салхи баруун хойноос секундэд 3-8 метр. Өчигдөр өдөр +7...+8 градус, өнгөрсөн шөнө +1...+2 градус дулаан хоносон байна.

Цаг агаарын гамшигт үзэгдлийн мэдээ

26-27-нд шилжих шөнө Баян-Өлгий, Ховд аймгийн нутгаар 4-27 мм, үүнээс хамгийн их нь Ховдын Ховдод 13.0 мм, Жаргалантад 15.0 мм, Мянгадад 27.0 мм нойтон цас, цас орж цаг агаарын гамшигт үзэгдлийн хэмжээнд хүрч ажиглагдсан байна.