Х.Болорчулуун: Сүүний литр тутамд 1000 төгрөг олгохоор шийдвэрлэсэн

Сүү үйлдвэрлэгч дотоодын аж ахуй нэгжүүдийг дэмжсэн тогтоол гарсантай холбогдуулан, хүнс, хөдөө аж ахуй, хөнгөн үйлдвэрийн сайд Х.Болорчулуунаас тодрууллаа. 

Гурван жилийн өмнө литр сүү тутамд 500 төгрөгийн урамшуулал олгох засгийн газрын тогтоол гарсан. Үүний үр дүнд сүүний үйлдвэрлэл 51 хувиар нэмэгдсэн. Энд улсын хэмжээний томоохон 15 үйлдвэрт иргэн аж ахуй нэгж сүүгээ тушаахад өгөх урамшуулал гэсэн үг. Гэхдээ энэ зөвхөн сэрүүний улирал буюу 11 сарын нэгнээс дөрвөн сарын нэгэнд үйлчилна. Сэрүүний улиралд манай улс сүүний хангамж дөнгөж 30 хувьтай байдаг. Үлдсэн хувьд нь гаднаас импортоор хуурай сүү авч байдаг. Сэрүүний улиралд төдийгүй цаашид сүүний үйлдвэрлэлийг дэмжих үүднээс урамжшууллыг литр тутамд 500 төгрөг байсаныг 1000 төгрөг болголоо. Гэхдээ засгаас нэмж мөнгө гаргахгүй. ноосны урамшуулалаас шилжүүлэх замаар шийднэ.