Х.Нямбаатар: Зүсээ хувиргаад зугтсан Д.Наранхүүг өнөөдөртөө Замын-Үүдээр шилжүүлж авна

Хууль зүй, дотоод хэргийн сайд Х.Нямбаатараас шувуу ажиллагааны явцын талаар тодрууллаа.

 Нийт 130 аас хүн байгаа. Тэрний 90 орчим хувь нь цагдаагийн байгууллагад шалгагдах явцдаа оргон зайлсан. Үлдсэн 30 орчим нь АТГ -аас эрүүгийн хэрэг үүсгэн шалгагдаж байх явцдаа оргон зайлсан ийм тохиолдлууд байдаг юм билээ. Бид нар өнөөдрийн байдлаар 20 гаруй улстай 35 төрлийн эрх зүйн харилцан туслалцах гэрээ байгуулсан. Үүнийг нэгт эрх зүйн талаар харилцан туслалцах, хоёрт гэмт этгээд шилжүүлэх, ялтан шилжүүлэх, иргэний хэрэгт харилцан туслалцах, шүүхийн болон арбитрын шийдвэрийг харилцан зөвшөөрөх гэсэн ийм төрлүүдтэй.

Тэгэхээр энэ эрх зүйн талаар харилцан туслалцах, гэмт этгээд шилжүүлэх үүрэг бүхий улсуудтай гэрээний үүргийнхээ дагуу харьцдаг. Иргэн Д.Наранхүү гэдэг хүнтэй холбоотой асуудлаар өнгөрсөн таван сараас хойш Хятадын талтай мэдээлэл солилцсон. Тэгээд бидэнд хариу ирүүлэхдээ энэ хүн манай хилээр гарсан чигтэй байна гэсэн. Сүүлд 14 хоногийн өмнө энэ хүнийг бид хилээр орж ирэхэд нь саатууллаа. Хурууны хээ болон бусад мэдээллээрээ тогтоогдсон. Танайд шилжүүлж өгье гэсэн. Өнөөдөр 16 цагийн орчимд Эрээн- Замын Үүд-ийн авто замын боомтоор АТГ-т хүлээлгэн өгч байгаа.