“Найман ишигний” гэх хэргийн шүүх хурал товлогджээ

“Найман ишигний” гэх тодотголтой хэргийн анхан шатны шүүх хурал ирэх аравдугаар сарын 06-ны өдрийн 10 цагт  Хэнтий аймгийн Бор-Өндөр суман дахь сум дундын шүүхэд болно. 

 Тус хэргийн давж заалдах шатны шүүх хуралдаан өнгөрөгч наймдугаар сарын 02-ны өдөр болж, "Найман ишигний" гэх хэргийг анхан шатны шүүхэд буцаасан. 

Тодруулбал, хэргийг анхан шатны шүүхэд буцаасантай холбогдуулаад таслан сэргийлэх арга хэмжээг өөрчилж, шүүгдэгч нарт авсан цагдан хорих таслан сэргийлэх арга хэмжээг хувийн баталгаа гаргах таслан сэргийлэх арга хэмжээгээр сольсон. 

Хувийн баталгаа гаргах таслан сэргийлэх арга хэмжээ авагдсан яллагдагч нар шүүх, хуулийн байгууллага дуудсан цагт хүрэлцэн ирэх үүрэг хүлээсэн.

Ийн анхан шатны шүүхийн зургаадугаар сарын 26-ны өдрийн 35 дугаар шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр сум дундын анхан шатны шүүхэд буцаах шийдвэрийг гаргасан билээ. 

Энэ дагуу анхан шатны шүүх хуралдаан ирэх сард товлогджээ.