Талийгаач С.Алунгуагийн хэргийг мөрдөж байсан Б.Өнөрбатыг сольжээ

Өнгөрөгч наймдугаар сарыг 05-06-нд шилжих шөнө өрх толгойлсон 30 настай С.Алунгуа автомашины осолд орж, амь насаа алдсан. Улмаар талийгаачийн цогцосноос зарим эд, эрхтнийг нь авахыг гэр бүлийн гишүүд нь зөвшөөрсөн болов ч зөвшөөрснөөс бусад эрхтнийг нь авсан байсан талаар ар гэрийнхэнээс нь бид мэдээллийг хүргэсэн билээ.

Улмаар үүссэн нөхцөл байдалтай холбоотойгоор Эрүүл мэндийн яамнаас ажлын хэсэг байгуулагдаж, хяналт шалгалт хийж байгаа талааар ЭМ-ийн сайд мэдээлсэн. Түүнчлэн холбогдох хууль, тогтоомжид өөрчлөлт оруулахаар ажиллаж буй.

Түүнчлэн ЭЦА-наас талийгаач бүсгүйн цогцосыг тоносон хэргийг шалгаж эхэлсэн бөгөөд хэргийн мөрдөгчөөр ажиллаж байсан Б.Өнөрбатыг cольж, өөр мөрдөгч хэргийг үргэлжлүүлэн шалгахаар болжээ.