Б.Ганхуяг: Энд 40 хүрэхгүй тэрбум төгрөгт яллах, яллахгүй тухай ярьж байна, үлдсэн 40 гаруй их наяд төгрөг чинь хаана байна

"Эрдэнэс Тавантолгой" ХК-ийн Гүйцэтгэх захирал Б.Ганхуяг: : "Нүүрс гэж маш том асуудлыг иргэдэд харуулчихаад өчнөөн олон их наядаар ярьж байна. Харамсалтай нь энд 11 хүнд холбогдох хэрэг 40 гаруй тэрбум хүрэхтэй үгүйтэй, дандаа зохиомол, хэмлэгдүүлэлт явагдаж байна. Яагаад намайг Т.Аюурсайхантай холбогдуулж байгаа вэ гэхээр миний хэрэг тэдэнд жижигдээд байгаа юм байна. Би "Эрдэнэс Тавантолгой” гэх компанид 2007 оноос хойш ажиллаж байгаа. Т.Аюурсайханыг таньдаггүй байсан. Анх 2013 онд л танилцсан. Юун Т.Аюурсайханы зохион байгуулалттай гэмт бүлэглэлд орох вэ.  Энэ нөхөр "Эрдэнэс Тавантолгой"-д ч очиж үзээгүй. Би яахаараа эдний бүлэгт элсчихдэг байна. Надад хамааралгүй, зөвхөн намайг яллахад зориулсан зүйлсийг сугалж авч хэрэг үүсгэчихээд өнөөдөр энд 40 хүрэхгүй тэрбум төгрөгт яллах, яллахгүй тухай ярьж байна. Тэгвэл үлдсэн 40 гаруй их наяд төгрөг чинь хаана байна. Үнэхээр хэргээ олохгүй байна уу?, эсвэл олсон ч хүнээ нуугаад байгаа юм уу? Нүүрсний гэх тодотголтой хэрэгт холбогдуулж 11 хүнээр Монгол Улсад шударга ёс тогтоох гэж байгаа бол зөвшөөрч байна. Гэхдээ дээр сууж байгаа хүмүүсээ бөөнөөрөө ярья. МАН-ынхаа асуудлыг ч ярья, нүүрсний хэргээ ч ярья л даа" гэв.

Бичлэгээр үзэх: