Завхан аймагт нохой нь зууж очсон тарвагыг чанаж идсэн иргэн халдвар авсан байж болзошгүй байна

Завхан аймагт тарваган тахлын сэжигтэй тохиолдол илэрч хөдөлгөөнийг хязгаарлажээ. Тодруулбал, нохой нь зууж очсон тарвагыг чанаж идсэн иргэн тарваган тахлаар өвчилсөн байна. 

Уг асуудлаар Завхан аймгийн ОБГ-ын дарга, хурандаа Ө.Болд: Иргэн нь халуурч, булчирхай нь цочиж өрхийн эмнэлэг дээрээ очсон. Өрхийн эмнэлгээс нь мэдээлэл аймгийн ЭМТ рүү мэдээлэл өгч, шинжилгээ хийж үзэхэд клиник шинж тэмдгээрээ тарваган тахал байх магадлал өндөр байна гэж үзэж байна. Энэ өвчин нь ОУ-д гоц халдварт өвчин гэгддэг. Тиймээс шуурхай арга хэмжээ авч нэгдүгээр хавьтлыг тогтоохоор ажиллаж байна. Урьдчилсан байдлаар нэгдүгээр хавьтал нь олон газраар явсан байх магадлалтай байна. 

Тус аймгийн ЗӨСТ-өөс мэдээлж байгаагаар тухайн иргэнээс түргэвчилсэн шинжилгээ авахад эерэг гарсан, гурав хоногийн өмнө тарвага өвчиж чанаж идсэн гэдэг өгүүлэмжтэй байна. Анх ирэхдээ булчирхай нь томорч, халуурсан шинж тэмдэгтэй ирсэн. Биеийн байдал нь хэвийн байгаа талаар Завхан аймаг дахь МҮОНТ-ийн сэтгүүлч Б.Оюун-Эрдэнэ мэдээлэл бэлтгэжээ.