Б.Ууганбаатар: Хүүгийнх нь боломж л акуа машин байлаа, баяжаад аавдаа ланд-300 авч өгнө өө

Наран авто худалдааны борлуулалтын ажилтан Б.Ууганбаатар аавдаа "Акау" автомашин авч буй бичлэгээ олон нийтийн сүлжээнд тавьсан билээ.

Б.Ууганбаатар айлын ганц хүү. Ах, эгч хоёртой байсан ч Б.Ууганбаатарыг бага байхад хоёулаа өөд болчихсон хэмээн ярина. 

“Би л аав, ээж хоёроо баярлуулахгүй бол өөр хэн баярлуулахав. Аавыгаа дээрээс хойш баярлуулна гээд л бодоод байсан юм. Саяхан машин нь эвдрээд засах гэхээр сэлбэг олдохгүй байсан болохоор хурааж цуглуулсан мөнгөөрөө акуа машин авч өгсөн. Удахгүй эхнэр хоёр хүүхэдтэйгээ байрны лизинг хөөцөлдөх гэж байгаа болохоор тэрнээсээ өмнө баярлуулсан. Чадал хүрвэл шинэ жилээр ээж, аав хоёроо гадаад явуулна аа. Амьд сэрүүнд нь л баярлуулахгүй бол байхгүй болсон хойно нь мянга харамсах хэцүү шүү дээ. Аав, ээжийгээ баярлуулчихаад эхнэр хүүхдээ авч байрны лизингэд хамрагдаад, лизингээ төлөөд сайхан амьдрана аа, ер нь амьдралд мөнгөнөөс илүү гэр бүл жаргалтай байх шиг үнэ цэнэтэй зүйл байдаггүй байх” гэлээ.