"Дорнод шинэ сэргэлт" хөрөнгө оруулалтын чуулган энэ сарын 23-наас 25-ны өдрүүдэд болно

Монгол Улсын урт хугацааны хөгжлийн бодлого “Алсын хараа-2050”, хөгжлийг хязгаарлаж буй хүчин зүйлсийн шийдвэрлэх “Шинэ сэргэлтийн бодлого” дунд хугацааны зорилтот хөтөлбөрийн хэрэгжилт, Монгол Улсын Зүүн бүс нутгийн хөгжлийн бодлого, төлөвлөгөөг олон талын оролцоог хангах, Дорнод аймгийн хөгжлийн хэтийн зорилт, Дорнод аймгийг хөгжүүлэх үндсэн чиглэл бодлогын баримт бичгийн хэрэгжилтийг эрчимжүүлэх зорилгоор "Дорнод шинэ сэргэлт" хөрөнгө оруулалтын чуулганыг 2023 оны 09 дүгээр сарын 23-наас 25-ны өдрүүдэд зохион байгуулах гэж байна.

Чуулганаар Монгол Улсын зүүн хязгаар нутгийн эдийн засаг, нийгмийн хөгжлийн эрчимжүүлэх, төр-хувийн хэвшлийн түншлэлийг өргөжүүлэх, аж ахуйн нэгж, байгууллага, хувь хүн, иргэний бизнесийн дэмжих, дотоодын болон гадаадын хөрөнгө оруулалтын зөв шийдлийг нээлттэй хүлээн авч хамтарч ажиллах, санал солилцох, зөвлөлдөх юм.

Чуулганд төрийн байгууллага, олон Улсын байгууллагууд, ОХУ, БНХАУ-ын төрийн байгууллага, бизнес эрхлэгч нарын төлөөлөл, Монгол Улсын дотоодын хөрөнгө оруулагч аж ахуйн нэгжийн төлөөлөл, Зүүн бүсийн нутгийн удирдлагууд, бизнес эрхлэгчидийн төлөөлөл, орон нутгийн бизнес эрхлэгч, хөрөнгө оруулалгчдын төлөөллүүд оролцоно.