Төрийн ордны Их танхимыг УИХ-ын чуулганы танхим болгохоор яригдаж байна

Үндсэн хуулийн өөрчлөлтийн хүрээнд 2024 оны УИХ-ын сонгуулийн үр дүнд байгуулагдах парламент 126 гишүүнтэй байна. Үүнтэй холбоотойгоор одоогийн чуулганы танхимын зай талбай багадах тул байр сав ахуйн асуудлыг хариуцах ажлын хэсэг байгуулагджээ. 

Одоогоор ажлын хэсэгт хоёр ч хувилбар яригдаж байгаа аж. Эхний хувилбар нь одоогийн чуулганы танхимын ширээний тоог нэмж нэг ширээнд 3-4 үүл суух, хоёрдахь хувилбар нь Төрийн ордны нэг давхарт байрлах Их танхимыг чуулганы танхим болгохоор ярьж байна. 

Төрийн ордонд хуралдааны 10 гаруй танхим байдаг. Хамгийн том нь Их танхим /хуучнаар АИХ-ын танхим/ олон улсын болон дотоодын томоохон хэмжээний хурал, зөвлөгөөн явагддаг 800 гаруй хүний суудалтай танхим юм. 

Ажлын хэсэг холбогдох газруудаас саналаа авч нэгтгээд эцэслэх юм.