"Эрдэнэт" үйлдвэрийн ажилтан хүхрийн хүчилд түлэгдэж, биеийн байдал нь хүнд байна

"Эрдэнэт" үйлдвэрийн баяжуулах үйлдвэрийн ажилтан өнөөдөр /2023.09.18/ хүхрийн хүчилд түлэгдсэн осол гарчээ. Тухайн ажилтан эрэгтэй бөгөөд биеийн байдал нь хүнд, маргааш өглөө нисдэг тэргээр Улаанбаатарт авчирна гэх мэдээлэл байна. 

Сануулахад, өнгөрсөн Баасан гаригт "Эрдэнэт" үйлдвэрийн уурхайн ажилчид ажил хаялт зарлаж, тус үйлдвэрийн захирал Г.Ёндонгийн гаргасан шийдвэрийг эсэргүүцэж мөн  цалингаа нэмэхийг шаардсан.  

Тодруулбал, "Эрдэнэт"  үйлдвэрийн ажилтнууд тэтгэвэрт гарахдаа хүүхдээ үйлдвэрт ажилд оруулдаг байдлыг тус үйлдвэрийн захирал Г.Ёндон цуцалж, бүх ажилтныг сонгон шалгаруулж ажилд авахаар болсон нь ажилчдын эсэргүүцэлтэй тулгарсан юм. 

Улмаар "Эрдэнэт" үйлдвэрийн Үйлдвэрчний Эвлэлийн Холбооны төлөөлөлтэй хэлэлцээ хийснээр "Эрдэнэт" үйлдвэр ажилчдынхаа цалинг 2024 оны нэгдүгээр сарын 1-нээс эхлэн 30 хувиар нэмэгдүүлэх болсноор ажил хаялт зогссон билээ.