Автотээврийн хэрэгслийн гэрчилгээг "E-Mongolia" системд байршууллаа

Цахим гарын үсгийн тухай анхны хууль 2011 оны арванхоёрдугаар сарын 15-ны өдөр УИХ-аар 2021 оны 12 дугаар сарны 17-ны өдөр Цахим гарын үсгийн тухай хуулийн шинэчилсэн найруулга батлагдсан. Уг хуулиар “тоон гарын үсэг нь цаасан хэлбэрт байгаа мэдээлэлд зурсан гарын үсэгтэ адил хүчинтэй байна” гэж заасан. Автотээврийн хэрэгслийн гэрчилгээг цахим хэлбэрт шилжүүлэн “E-Mongolia” системд байршууллаа.

Тээврийн хэрэгслийн гэрчилгээг цахимжуулснаар төрийн байгууллагын ажлын өдөр, ажлын цагаас үл хамааран Автотээврийн хэрэгслийн шилжилт хөдөлгөөний үйлчилгээг киоск машинаар дамжуулан 24 цагийн хэдий ч авах боломжтой болж байна гэж ЦХХХ-ны сайд Н.Учрал мэдээллээ. 

Энэхүү тээврийн хэрэгслийн өмчлөл шилжүүлэх үйлчилгээг хуулиар зөвшөөрөгдсөн хүрээнд хурууны хээгээр баталгаажуулан, тоон гарын үсгээрөмчлөл шилжүүлэх цахим хэлцэл буюу цахим гэрээг байгуулан хийж байна. Цахим хэлбэрээр гэрээ, хэлцэл байгуулж буй анхны жишээ гэж хэлж болох ба энэ
нь өнөөдрийн байдлаар олгогдоод байгаа 736,844 цахим гарын үсгийн хэрэглээг дэмжсэн үйлчилгээ болж байна.

 

"Цаашид тоон гарын үсгийн энэ мэт хэрэглээг дэмжсэн үйлчилгээ, системүүд бий болсноор цахим шилжилт жинхэнэ утгаараа хийгдэж, өнөөдрийн тулгамдсан асуудал болсон түгжрэл түүнээс үүдэлтэй алдагдаж буй цаг хугацааг хэмнэж, төрийн болон бусад үйлчилгээг цахимжуулан, үйлчилгээг хурдан шуурхай хүргэх боломжийг бий болгоно" гэлээ. 

Төрийн үйлчилгээний киоск машин дээр өмчлөл шилжүүлэгч болон өмчлөх эрх хүлээн авагч хоёр иргэн нь хүрэлцэн ирснээр татвар, торгууль, замын хураамж болон тэмдэгтийн хураамжийг төлж, шилжүүлэх шаардлагыг хангаснаар тээврийн хэрэгслийн өмчлөл шилжүүлэх цахим хэлцлийг байгуулан өмчлөлийг шилжүүлнэ.
Өмчлөл шилжүүлсэн цахим хэлцэл нь И-Монгол цахим системд байрлах үндэсний цахим шуудангаар тухайн хоёр иргэнд очих ба өмчлөл хүлээн авсан иргэний тээврийн хэрэгслийн цахим гэрчилгээ мөн И-Монгол систем дээр үүснэ.