Өнөөдрөөс дугаарын хязгаарлалт хэвийн үргэлжилнэ

Хичээлийн шинэ жил эхлэхтэй тохиолдуулан замын хөдөлгөөний ачааллыг бууруулахаар шийдвэрлэсэн автомашины дугаарын тэгш, сонгойгоор хязгаарлаж хөдөлгөөнд оролцуулсан хязгаарлалт өчигдөр 20 цагаас дуусгавар боллоо.

Улмаар өнөөдрөөс эхлэн өмнөх дугаарын хязгаарлалтын журам үйлчлэх бөгөөд дугаарын хязгаарлалтын бүсүүд өөрчлөгдөхгүй юм. 

Жолооч таны тээврийн хэрэгслийн улсын дугаар,

• 1 ба 6-аар төгссөн бол ДАВАА
• 2 ба 7-гоор төгссөн бол МЯГМАР
• 3 ба 8-аар төгссөн бол ЛХАГВА
• 4 ба 9-ээр төгссөн бол ПҮРЭВ
• 5 ба 0-ээр төгссөн бол БААСАН гарагт замын хөдөлгөөнд оролцохгүй юм.

Түгжрэлийг бууруулах хүрээнд нийтийн тээврийн салбарт цоо шинэ стандарт тогтоохоор ажиллаж буй.  Мастер төлөвлөгөө, автобусны парк шинэчлэл, авто замын 1-р эгнээг нийтийн тээвэрт 4 гол өргөн чөлөөнд нэмэгдүүлж чөлөөлөх, чиглэлийн ухаалаг зохицуулалт, жолооч нарын хандлага үйлчилгээ гээд  энэ салбарыг сууриар нь хөгжүүлэх ажлууд эхнээсээ хийгдэж байгааг Түгжрэлийн сайд Ж.Сүхбаатар мэдээлсэн. 

Парк шинэчлэлийн тухайд БНСУ-д үйлдвэрлэсэн их багтаамжийн 600, дунд оврын 50, 160 цахилгаан гээд нийт 810 цоо шинэ автобус Нийслэлчүүдэд үйлчилж эхлэх юм.

Мөн олон төрөлт нийтийн тээврийн суурийг тавихаар ажиллаж байна. Иргэд машинаасаа татгалзах боломжийг бүрдүүлж өгөх нь чухал гэдгийг холбогдох албаныхан хэлж байна.