АЙЛЧЛАЛ: Австралийн визийн ангилалд хамрагдах иргэдийн тоог нэмэгдүүлэхээр боллоо

Гадаад харилцааны сайд Б.Батцэцэг Австралийн Холбооны Улсад албан ёсны айлчлал хийж байгаа билээ.

Тус айлчлалын гол үр дүнгээс:

1. Монгол, Австралийн харилцаа, хамтын ажиллагааны цар хүрээг харгалзан хоёр орны харилцааны түвшинг ахиулж, “Иж бүрэн түншлэл”-д хүргэх талаар санал нэгдлээ.

2. Хууль эрх зүйн орчинг бэхжүүлэх хүрээнд хоёр улсын Засгийн газар хооронд Агаарын харилцааны тухай хэлэлцээр байгуулах, хэтдээ шууд нислэг үйлдэх, иргэдийн солилцоог нэмэгдүүлэх,

3. Нийгмийн хамгааллын тухай хэлэлцээрийг ойрын хугацаанд байгуулахад нягт хамтран ажиллах,

4. Австралийн Засгийн газрын тэтгэлэгт хөтөлбөрт Монгол Улс хамрагдсны 30 жилийн ойг тохиолдуулан тус хөтөлбөрт хамрагдах оюутны тоог цаашид нэмэгдүүлэхээр боллоо.

5. Монгол Улсад боловсролын цогц хууль батлагдаж, англи хэлийг нэгдүгээр гадаад хэл болгосонтой холбогдуулан Австрали Улсаас англи хэлний багш нарыг авч ажиллуулах, сайн дуурын багш нарын тоог нэмэгдүүлэх,

6. 2023 оноос эхлэн хэрэгжиж буй “Ажиллах болон амрах виз”-ийн тохиролцоо үр дүнтэй хэрэгжиж буйтай холбогдуулан тус визийн ангилалд хамрагдах иргэдийн тоог харилцан нэмэгдүүлэхээр боллоо.

6. Бизнес, аж ахуйн нэгж хоорондын хэлхээ холбоог бэхжүүлж, Бизнес форум тогтмол зохион байгуулах, Монголын Эдийн засгийн чуулга уулзалтад тогтмол оролцуулах

7. Парламент хооронд найрамдлын бүлгүүдийн хамтын ажиллагааг бэхжүүлэхээр боллоо. Австралийн найрамдлын бүлэг нь 2022 оны 12 сард байгуулагдсан харьцангуй залуу бүлэг хэдий ч нийт 38 гишүүнтэй, Сенатын 13 гишүүн, Төлөөлөгчдийн танхимын 24 гишүүн, үүнд Шадар сайд бөгөөд Батлан хамгаалахын сайд, Эрдэс баялгийн сайд, Хөдөлмөрийн асуудал хариуцсан сайд зэрэг Засгийн газрын 4 сайд багтсан том лобби групп үүссэн байгаа.