17 цагийн дотор 202 сая төгрөг цугларч, хандивын аяныг зогсоолоо

"Миний охин машинд дайруулаад нас барчихлаа, хэрэг нь хаагдаж байна. Эд эрхтэнг нь буян санаад өгтөл бидэнд хэлэлгүй илүү авчээ" хэмээн талийгаачийн ар гэрийхэн манай сайтад хандсан. Манай сурвалжлах баг олон нийтэд мэдээллийг хүргэж улмаар өчигдөр буюу есдүгээр сарын 13-ны орой хандивын аяныг ар гэрийн зүгээс эхлүүлсэн. Хандивын аян өрнөөд 24 цаг болоогүй байхад 202 сая төгрөг олон нийтийн сайхан сэтгэлийн буянд цуглан гурван үр байртай болох боломж бүрдсэн тул хандивын аяныг зогсоож байна. 

Сайхан сэтгэлт Монголчууддаа талархан, сайн сайхан бүхнийг хүсэн ерөөе.