Талийгаачийн том ах Б.Төрмөнх: Дүүгийнхээ хөлнөөс өргөхөд яс мэдрэгдээгүй, худлаа гэвэл одоо булшийг нь ухаад гаргаж ирээд харуулахад бэлэн байна

Хүүхдүүдээ сургуульд өгөөд, өөрөө тэр сургуульдаа үйлчлэгчээр ажилладаг байсан 30 настай өрх толгойлсон Алунгуа бүсгүй 8-р сарын 6-нд хороололд явж байгаад машинд дайруулаад амиа алдсан. Нэгэнт амиа алдсан учир ар гэрийнхэн нь бусдад амьдрал бэлэглэнээ гээд талийгаачийн хоёр бөөр, элэгийг шилжүүлж авахыг зөвшөөрчээ.

Талийгаачийн цогцсыг эмнэлгээс гэртээ аваад ирэхэд хөлийн өвдөг, шагайг нь мөн зүсээд өөр эд эрхтэнгүүдийг нь аваад “малын мах жиргэсэн” мэт болгосон байсныг хараад ар гэрийнхэн нь шоконд оржээ. Осолд орохдоо тархиндаа гэмтэл авсан, элэг бөөрийг нь авахдаа цээж, хэвлийг нь зүсэх байтал өвдөг, шагайг нь зүсээд цаас үдсэн мэт оёод орхижээ.

Талийгаачийн эд, эрхтэнг нь аваад төрөөс 3,5 сая төгрөг өгдөг хуультай аж. Гэтэл тэр мөнгөө тэндээс ав, эндээс ав гээд ар гэрийнхэнг залхаажээ. 

Талийгаачийг дайрсан жолооч оршуулгын зардлыг гаргах нь бүү хэл харин ч миний приусын урд гэрэл хагарсан гэж мөнгө нэхэмжилжээ. Амиа алдсан бүсгүйн буруу гэж хуулийнхан үзэж хэргийг нь хаана, ирж гарын үсэг зур гэж ар гэрийхэнг шахаж байгаа аж.

Одоо талийгаачийн 4,6,8 настай гурван хүү 35 км-ийн цаанаас эмээгээрээ сургуульдаа зөөлгөж, ээжийгээ хэзээ ирэхийг асууж эмээ өвөөгөө тарчлааж байна.

Талийгаачийн элэг, бөөр, шөрмөсийг авна гэж зөвшөөрлийн хуудсан дээр гарын үсэг зуруулчихаад

1. Шөрмөс

2. Тойгны ясны холбоос

3. Хоёр хөлний тойгны яс

4. Дунд чөмөгний булуу яс

5. Шаант

6. Ясны бурзан

7. Дунд чөмөг

8. Доод булуу

9. Шилбэний урд шөрмөс

10. Борвины шандас

11. Борвины шөрмөсийг аваад сүүн уусмалаар дүүргэсэн.

Талийгаачийн том ах нь хөлнөөс нь өргөх үед ясгүй мэдрэмж төрөөд ар гэрийнхэн мэдсэн.

Бараг хөлний эд эрхтэнг бүгдийг авчихаад Эрүүл мэндийн яамны Эрүүл мэндийн Хөгжлийн төвийн Эс, Эд, Эрхтэн Шилжүүлэн суулгах үйл ажиллагааг зохицуулах албаны дарга МУ-ын Төрийн Соёрхолт, Хүний гавъяат эмч П.Батчулуун уучлалт гуйсан ч худал хэлэв.

Бичлэгээр үзэх: