П.Сайнзориг: М.Бадарч нүүр тулж уулзахаараа өөр юм яриад, гарангуутаа үүнийгээ үгүйсгэдэг ёс зүйгүй байж болохгүй, жудагтай бай

ХЗДХЯ-ны төрийн нарийн бичгийн дарга П.Сайнзориг: Допингийн шинжилгээ авах процесс хууль хуяналтын байгууллагын хатуу хяналт дор явагддаг. Энд ямар ч солигдох боломж байхгүй. Энэ бөхчүүд өөр өөрсдийн хариуцлагаа хүлээж сурмаар байна. Ийм ёс зүйгүй, аль нэг байгууллагыг буруутгадаг ийм зүйл рүү явж болохгүй. Энэ дээр нь ард иргэд талцаж хуваагддаг ийм зүйл огт байж болохгүй. Үнэхээр шээс сольдог асуудлууд байвал баримттай гаргаж ирээд ярих ёстой. Одоо хэдүүлээ жаахан жудагтай баймаар байна. Түрүүлж амжилтад хүрэхийн тулд янз бүрийн башир арга хэрэглэчихээд энэ нь илчлэгдээд ирэхээр иргэдийг худлаа мэдээлэл дээр талцуулж нутаг, усаар нь хуваадаг ийм зүйл одоо явахаа больсон. Солонгосын лабораторид шинжилгээ аваад асуудалтай хүний хариуг аваад үлдчихдэг юм билээ, хүний хувь заяаг шийдэж байгаа учраас тэр. Түүнээс биш зориудаар цувуулж, хариуг нь ирүүлээд байгаа юм биш. Татвар төлөгчдийн мөнгөөр барилдаад, төрийн наадмыг будлиулчихаад ийм ёс зүйгүй байхаа больмоор байна. М.Бадарч бэртэл гэмтэл гээд хэвлэл мэдээллээр олон долоо юм ярьж ард иргэдийг талцуулаад байна. Бэртэл гэмтэл авсан юм бол тэрийгээ ил тод ярих хэрэгтэй шүү дээ.

Бичлэгээр үзэх: