Талийгаачийн ах: Миний дүү ядарсан байж болно, яагаад зөвшөөрөлгүй эд эрхтэнг нь аваад төмөр утсаар оёод өгч байгаа юм бэ, маш их гомдолтой байна

Хүүхдүүдээ сургуульд өгөөд, өөрөө тэр сургуульдаа үйлчлэгчээр ажилладаг байсан 30 настай өрх толгойлсон Алунгуа бүсгүй 8-р сарын 6-нд хороололд явж байгаад машинд дайруулаад амиа алдсан. Нэгэнт амиа алдсан учир ар гэрийнхэн нь бусдад амьдрал бэлэглэнээ гээд талийгаачийн хоёр бөөр, элэгийг шилжүүлж авахыг зөвшөөрчээ.

Талийгаачийн цогцсыг эмнэлгээс гэртээ аваад ирэхэд хөлийн өвдөг, шагайг нь мөн зүсээд өөр эд эрхтэнгүүдийг нь аваад “малын мах жиргэсэн” мэт болгосон байсныг хараад ар гэрийнхэн нь шоконд оржээ. Осолд орохдоо тархиндаа гэмтэл авсан, элэг бөөрийг нь авахдаа цээж, хэвлийг нь зүсэх байтал өвдөг, шагайг нь зүсээд цаас үдсэн мэт оёод орхижээ.

Талийгаэчийн эд, эрхтэнг нь аваад төрөөс 3,5 сая төгрөг өгдөг хуультай аж. Гэтэл тэр мөнгөө тэндээс ав, эндээс ав гээд ар гэрийнхэнг залхаажээ. Одоо ч олдоогүй.

Талийгаачийг дайрсан жолооч оршуулгын зардлыг гаргах нь бүү хэл харин ч миний приусын урд гэрэл хагарсан гэж мөнгө нэхэмжилжээ. Амиа алдсан бүсгүйн буруу гэж хуулийнхан үзэж хэргийг нь хаана, ирж гарын үсэг зур гэж ар гэрийхэнг шахаж байгаа аж.

Одоо талийгаачийн 4,6,8 настай гурван хүү 35 км-ийн цаанаас эмээгээрээ сургуульдаа зөөлгөж, ээжийгээ хэзээ ирэхийг асууж эмээ өвөөгөө тарчлааж байна.

Бичлэгээр үзэх: