Хотхоны бохирын шугамын холболт хийж байсан 26 настай залуу хөрсний нурангид дарагдаж амиа алджээ

Хан-уул дүүрэг 21-р хороо Эх нярай эмэгтэйчүүдийн үндэсний төв 2-ийн баруун талд байрлах хотхоны бохирын шугам холболт хийж байгаад иргэд шороонд дарагдсан дуудлага нийслэлийн Онцгой байдлын газарт иржээ. Аврах ангийн бүлэг дуудлагаар очиход “Жаргалант .....” ХХК-ны ажилчид шугам холболтын ажил хийгдэж байх явцад хөрсний нуралт үүсч 2 иргэн 3х1,50 метрийн хэмжээтэй нүхэнд дарагдсан байсан бөгөөд Төв аймгийн Эрдэнэ сумын харьяат, 26 настай эрэгтэй Э нь дарагдаж нас барсан байсныг хүрз, дамнуурга, тулгуур бэхэлгээ ашиглан цогцсыг гаргаж Цагдаагийн байгууллагад хүлээлгэн өгсөн. 

Харин нэг иргэнийг Яаралтай тусламж 103-т хүлээлгэн өгч, амь насыг нь аварсан байна.

Иймд иргэд болон аж ахуйн нэгж байгууллагууд газар шорооны болон барилгын ажил эрхлэхдээ хөдөлмөр хамгаалал аюулгүй байдлын дүрмийг чанд мөрдөж, эрдэнэт хүний амь нас эрсэдэхээс урьдчилан сэргийлж ажиллахыг нийслэлийн Онцгой байдлын газраас онцгойлон анхааруулж байна.