БҮТ: Ерөнхийлөгчийн тэтгэлэгээс хасагдсан тухайн сурагч оршин суух хаягийн зөрчилтэй байсан, нийт 501 сурагч хамрагдахаас шалгуур хангасан нь 310

Дэлхийн шилдэг их, дээд сургуульд суралцуулах зорилготой ”Ерөнхийлөгчийн илгээлт-2100” тэтгэлэгт хөтөлбөрт хамрагдах нь хэмээн баярлаж байсан Мөнх-Учрал хүүгийн ээж манай сайтад ярилцлага өгсөн юм. Тэрбээр “Миний хүү ЭЕШ-т бэлдэж байхдаа унтаж болохгүй шүү гэж өөрийгөө чимхээд хичээлээ хийдэг байсан гээд уйлж байсан. Олон зүйлээр дутуу өссөн ч өөрийн хүч хөдөлмөр, уйгагүй хичээл зүтгэлээр математикийн хичээлээр 800, англи хэлний хичээлээр оноо авч дундаж оноогоороо Сүхбаатар аймагтаа нэгт жагсаж чадсан. Өнөөдрийг хүртэл хүүгийнхээ боловсролын төлөө бүхнээ зориулж ирсэн эх хүний хувьд хүү бид хоёр Ерөнхийлөгчийнхөө тэтгэлэгийг авчих юм байна гэж баярлаад байж байтал хамран суралцах тойрог өөр шалтгаанаар хасагдсан байсан. Бид хоёрын амьдарч байсан байр дахин төлөвлөлтөд орсон учир төвд амьдрах болсон. Хүүгийн сургууль хол болохоор мөн л төвийнхөө сургуульд сурч байсан нь эцэст нь хүүгийн минь ирээдүйн боломжоос хугаслан чинээ яаж санах билээ. Би дараагийн хүүхэд нь авчихлаа гэж нэг удаа ч юм хэлээгүй, хэлэхгүй. Өөр ямар гарч байж болох вэ? 330 хүүхдээс гэж бодоход цаана нь үлдэж байгаа квотод оруулаад өгөөч л гэж гуйж, горьдлог тээн яамны үүд сахиад 20 хонож байна” хэмээн хоолой зангируулан бидэнд ярилцлага өгсөн юм.

Бид уг үйл явдалтай холбоотойгоор Боловсролын Үнэлгээний төвөөс тодруулахад “Журамд сүүлийн гурван жил тухайн сургууль болон харьяа тоотод амьдарсан байх ёстой гэж заасан. Тухайн сурагчийн хувьд үнэхээр өндөр оноотойгоор нэгдүгээр байранд жагссан байсан. Гэсэн ч бид журмаа баримтлах учиртай. Энэ жилийн хувьд 501 сурагч уг тэтгэлэгт хамрагдах квот бий ч журмын шаардлагад нийцсэн 310 сурагчид л энэ боломж бүрдсэн байгаа” гэсэн юм.