Ж.Алдаржавхлан: Хурлын төлөөлөгчийг төрийн албанд давхар ажил хийхийг хориглоё

НИТХ-ын төлөөлөгч Ж.Алдаржавхлан орон нутгийн хурлын системд шаардлагатай шинэчлэлийн талаар өөрийн байр суурийг илэрхийллээ.

Тэрбээр "Миний зүгээс орон нутгийн хурлын системд дараах 3 шинэчлэлийг хийх ёстой гэж үзэж байгаагаа дахин маш товчоор илэрхийлье.

1. Аймаг сум, Нийслэл дүүргийн ИТХ-ыг нэгтгэх. Аль нэг шатных нь сонгуулийг цомхотгох. /ингэснээр сонгуулийн зардал хэмнэх, анхан шатанд улс төржилт, талцал хуваагдлыг багасгаж, шат дамжлага цөөрнө/
2. Дэлхийн бусад орны жишгийн дагуу Хурлын төлөөлөгчийг төрийн албанд давхар ажил хийхийг хориглох. Зөвхөн сонгогчдоо иргэнээ төлөөлдөг болгож өөрчлөх. /өнөөдөр хурлын төлөөлөгчдийн дийлэнх нь засаг даргынхаа дор ажилладаг учир Засаг даргаа хянах боломжгүй болсон/
3. Одоо байгаа Аймаг сум, нийслэл дүүргийн 6000 хурлын төлөөлөгчдийн тоог цөөлж цомхон чадварлаг болгох, Мөн жинхэнэ төлөөллийн ардчиллыг бий болгохын тулд байнгын ажиллагаатай байх шаардлагатай. /одоогийн байдлаар улиралд нэг удаа хуралдаж байгаа бөгөөд гаргаж байгаа шийдвэр тун бага юм/" гэв.