Дугаарын хязгаарлалт энэ долоо хоногт дуусна

Сургууль, цэцэрлэгийн бэлтгэлтэй холбоотойгоор замын хөдөлгөөний ачаалал бууруулах зорилгоор наймдугаар сарын 26-наас эхлэн автомашины улсын дугаарын тэгш, сондгойгоор хөдөлгөөнд оролцуулж буй. Уг зохицуулалт энэ сарын 15-ныг хүртэл үргэлжилнэ. 

• Хойд хязгаар нь 32-ын тойрог
• Урд хязгаар нь 120-ийн уулзвар
• Зүүн хязгаар нь Чулуун овооны аюулгүйн тойрог
• Баруун хязгаар Саппорогийн тойргийн хүрээнд тэгш, сондгойгоор хөдөлгөөнд зорчуулах аж.

Өнгөрсөн жил авто машиныг тэгш, сондгойгоор хөдөлгөөнд оролцуулах арга хэмжээг авах үед замын хөдөлгөөн 7-9 километр цагийн хурдтай байсан бол тэгш, сондгой хөдөлгөөнд зорчуулах арга хэмжээ авснаар 15-20 километр цагийн хурдтай зорчиж байсан. Ингэснээр 38 орчим хувиар замын хөдөлгөөний түгжрэл, саатал буурсан үзүүлэлттэй гарсан учраас энэ арга хэмжээг дахин авсан гэж албаныхан тайлбарлаж буй.