“Эрдэнэс Тавантолгой” ХК -ийн олборлолт Онцгой дэглэмийн хугацаанд 2.9 дахин нэмэгджээ

“Эрдэнэс Тавантолгой” ХК-ийн уурхайчид Онцгой дэглэмийн хугацаанд уурхайн олборлолт, борлуулалт, тээврлэлтийн үйл ажиллагаа хэрхэн явагдаж буй талаар ярилаа. Мөн нийгмийн хариуцлагын хүрээнд авч хэрэгжүүлсэн арга хэмжээний талаар сэтгэгдлээ илэрхийлэв.

1. “ЭРДЭНЭС ТАВАНТОЛГОЙ” ХК-ИЙН ТЭЭВЭР ЗОХИЦУУЛАЛТЫН АХЛАХ МЭРГЭЖИЛТЭН Э.АРИУНБОЛД:

“Биржээр нүүрс экспортолдог болсноор хаягдал гардаг, нүүрс дутдаг гэх ойлголт байхгүй болсон. Бид анх удаа нүүрсээ биржээр борлуулж, худалдан авагчдад шууд хүргэх ажлыг хариуцлагатайгаар эхлүүлсэн нь олон талын ач холбогдолтой ажил боллоо”
“Эрдэнэс Тавантолгой” ХК 2023 оны 02 сараас эхлэн Монголын хөрөнгийн биржээр дамжуулан нүүрсээ хил нөхцөлөөр биржээр борлуулсан. 2023 оны 09 сарын 05-ны өдрийн байдлаар нийт 44 удаагийн арилжаагаар 4.2 сая тонн нүүрс борлуулж 512 тэрбум төгрөгийн нэмэлт орлого олсон байна.

2. Б.МӨНХЗАЯА “ЭРДЭНЭС ТАВАНТОЛГОЙ” ХК-ИЙН ЕРӨНХИЙ ИНЖЕНЕР:

 “Онцгой дэглэмийн хугацаанд нүүрс олборлолт 2.9 дахин нэмэгдсэн” “Эрдэнэс Тавантолгой” ХК-д онцгой дэглэм тогтоохоос өмнө сард дунджаар 700 мянган тонн нүүрс олборлодог байсан. Онцгой дэглэм тогтоосноос хойш нүүрс олборлолтыг нэмэгдүүлж сард дунджаар 2 сая тонн нүүрс олборлодог болсон. Энэ тоон үзүүлэлт нь Онцгой дэглэмийн өмнөх үетэй харьцуулахад олборлолт 2.9 дахин нэмэгдсэн.
Нүүрс ачилт борлуулалтыг гүйцэтгэлтэй уялдуулан сар бүр төлөвлөлт хийж байна. 2023 оны 08 сард борлуулалт 3 сая тоннд хүрсэнтэй холбоотйгоор уулын ажлын олборлолтын хэмжээг 2.8 сая тонн болгон нэмэгдүүлэн ажиллаж байна.

3. “ЭРДЭНЭС ТАВАНТОЛГОЙ” ХК-Д 13 ДАХ ЖИЛДЭЭ АЖИЛЛАЖ БУЙ СТАНДАРТ ҮНЭЛГЭЭ ХАРИУЦСАН АХЛАХ МЭРГЭЖИЛТЭН Х.ҮҮРИЙНТУЯА:

“Эрдэнэс Тавантолгой ХК-ний ололт амжилт нь удирдлагуудын оновчтой төлөвлөлт, зөв зохион байгуулалт болон нийт уурхайчдын маань ур чадвар, хичээл зүтгэл, хөдөлмөрийн үр дүн гэж боддог”