Р.Сэддорж: Нохойд хазуулж байхад нь эмэгтэйн хажуугаар гарсан жолооч сэтгэл гаргаагүйд харамсч байна

Өмнөговь аймагт өчигдөр /2023.09.06/ нэгэн эмэгтэй хэд хэдэн золбин нохойд хазуулж буй бичлэг олон нийтийн сүлжээгээр тархсан. Тухайн эмэгтэй өдгөө аймгийнхаа бүсийн эмчилгээ оношилгооны төвд хэвтэн эмчлүүлж буй. Энэ талаар тус аймгийн Засаг дарга Р.Сэддорж цахим хуудсандаа Тэрээр  "Маш харамсалтай үйл явдал боллоо. Нохойд хазуулсан эмэгтэй эмнэлэг дээр 10 гаруй оёдол тавиулсан хүнд гэмтэлтэй эмчилгээ хийгдэж байна.

Хажуугаар нь гарсан тээврийн хэрэгсэлтэй явсан жолоочид иргэн хүнийхээ үүргээр сэтгэл гаргаагүйд харамсаж байна. Эмнэлгийн яаралтай шаардлагатай тусламжийг үзүүлж байна. Даланзадгад сумын удирдлагуудад таслан сэргийлэх золбин нохойн устгал хийх, тэжээвэр нохойг өдрийн цагаар уяанд нь байлгах айл өрхийн үүрэг хариуцлагыг сайжруулах, иргэнийхээ үүргийг биелүүлээгүй иргэнд хариуцлага тооцох зэрэг талаар чиглэл өгч үүрэгжүүллээ. Ар гэртэй нь холбоотой байгаа. Гурван хүүхдийн ээжид хөдөлмөрийн чадвартай болж ажил үүргээ хэвийн гүйцэтгэх хүртэл нь тусламж дэмжлэг үзүүлнэ" гэжээ.