Д.Амарбаясгалан: “Акуа гарден"-д захиалга өгсөн иргэдийн хохирлыг төсвөөс гаргахгүй

Үерийн эрсдэлд байгаа гурван байршлыг нэн шаардлагатай албадан буулгах захирамж гаргасан. "Aqua Garden" хороолол, "S'Outlet", Алтай хотхоны урд байрлах "Шунхлай ШТС"-ийн удирдлагуудад захирамжийг хүлээлгэн өгч танилцуулсан юм. Түүнчлэн албадан буулгах ажил зарим байршлуудад эхэлсэн бөгөөд нураах төсөв болон хориогчдын нөхөн төлбөрийг төсвөөс гаргах талаар яригдсан юм. Энэ асуудлаар  ЗГХЭГ-ын дарга Д.Амарбаясгалан тайлбар өглөө. Тэрбээр “Акуа гарден"-д захиалга өгсөн иргэдийн хохирлыг төсвөөс гаргах боломжгүй, буруутай этгээдүүдээр төлүүлэх ёстой. Төсөв батлах онцгой эрх зөвхөн УИХ-д байдаг юм. Төрийн мөнгө гэж байдаггүй, зөвхөн татвар төлөгчдийн мөнгө гэж байдаг. Төсвөөс нэг ч төгрөг гаргахгүй. Тухайн үед хариуцаж байсан  албан тушаалтнууд гаргасан шийдвэртэй эзэн болох ёстой. Энэ шийдвэрийн ямар учиртайгаар гаргаж, шийдвэрлэх ёстой. Засгийн газар, барилгын яам руугаа чихээд байж болохгүй. Өөрсдөө тайлбараа хийх ёстой" хэмээв.