"Гурван хүний амь насыг хөнөөж, 4 хүүхэд өнчрүүлсэн гэмт этгээд хилээр гарч, хэргийг зориуд замхруулж байна"

Зам тээврийн ноцтой ослын улмаас гурван хүний эрдэнэт амь нас эрсэдсэн хэрэг энэ оны гуравдугаар сарын 13-ны 01:00 цаг орчимд гарсан. Тодруулбал, Баян-Өлгий аймгийн шалган нэвтрүүлэх постоос 7 км-ын зайд байрлах “Дэлүүн” гэх дэлгүүрийг том оврын авто машины жолооч Т.Ж мөргөж, дэлгүүр дотор байсан Х.С, М.А, н.А нарын амь насыг хөнөөсөн. Хэрэг гарснаас хойш зургаан сар гарны хугацаа өнгөрч байхад гэмт этгээдийг одоо болтол барьж хориогүй байгаа талаар ар гэрийнхэн зүгээс гомдолтой байгаагаа хэлж байна.

Гурван хүний амь нас хөнөөсөн Т.Ж нь зургаадугаар сарын 08-ны өдөр хил даван зугтсан бөгөөд түүнийг гэм буруутай гэдгийг прокурорын байгууллагаас зургаадугаар сарын 25-нд тогтоож, яллагдагчаар татах шийдвэр гаргажээ.

Нас барсан Х.С, М.А, нар нь нэг гэр бүлийн хүмүүс байсан. Харгис алуурчнаас болж 12 настай, 3 настай, 10 настай,  7 настай гэсэн 4 хүүхдүүд бүтэн өнчин болжээ.

Дэлгүүрт ажиллаж байсан 24 настай эмэгтэйн өндөр настай ээж охиноо бурхан болсныг сонсоод шоконд орж, мартах өвчтэй болсон биеийн байдал хүнд байгаа. Бүхэл бүтэн гурван хүний амь насыг газар дээр нь хөнөөсөн, ачаа хэтрүүлэн ачсан, шалгах постоор хүчээр дайрч орсон зэрэг бүх бичлэг, нотлох баримт байхад хэрэг яагаад ийм удаашралтай байгааг гайхаж байна” хэмээн ярьж байв.

Ар гэрийнхнийх нь зүгээс “Гэм зэмгүй гурван хүний амь насыг хөнөөсөн этгээд хил гаран зугтсных нь дараа прокурорын шийдвэр гарсан нь хэргийг санаатайгаар удаашруулж байна гэх хардлага төрүүлж байна.