БШУЯ: Зөвхөн гүйцэтгэл нь өндөр багш 2.5 сая төгрөгийн цалин авах боломжтой

Багшийн цалин, нийгмийн баталгаа сэдвээр БШУЯ-наас мэдээлэл өглөө. 

Энэ талаар Боловсролын ерөнхий газрын дарга Т.Ням-Очир хэлэхдээ "Засгийн газрын есдүгээр сарын 1-ний өдрийн тогтоолоор гүйцэтгэлийн үнэлгээгээр нэгдүгээр түвшинд үнэлэгдсэн багшийг 50 хувийн урамшуулал авах боломжийг нээлээ. Ингэснээр 50 хувийн урамшуулал авч байгаа багшийн цалин өнөөдөр 2.6 сая төгрөгөөс эхлэх боломж нь дээрх нэмэгдлүүдийг оруулж тооцсоноор бий болж байна гэж сайд өнгөрөгч Баасан гаригт мэдээлсэн.  Өөрөөр хэлбэл, хамгийн сайн ажилласан багшийн цалин өндөр байх боломжийг бүрдүүлсэн. Түүнээс биш багш нарын дундаж цалин 2.5 сая болсон гэж хэлээгүй. Гүйцэтгэл нь өндөр багш 2.5 сая төгрөгийн цалин авах боломжтой" гэлээ.