Хот байгуулалт, төлөвлөлт, газар зохион байгуулалтыг Засгийн газар хариуцахаар болжээ

Н.Мижидмаа
2023/08/29

Хот, хөдөөгийн сэргэлт, газар зохион байгуулалт, хот төлөвлөлтийн Үндэсний хорооны анхдугаар хуралдаан өнөөдөр Төрийн ордонд боллоо.

Хуралдааныг тус Үндэсний хорооны дарга, Монгол Улсын Ерөнхий сайд нээж үг хэлэхдээ “Эрдэмтэн судлаачид, архитекторуудын саналд тулгуурлан салбар дундын уялдаа холбоог зангидах зорилгоор энэхүү Үндэсний хороог байгуулсан. Зөв стратеги, нэгдсэн бодлого гаргаж, урт хугацаанд хот, хөдөөгийн тэнцвэрийг хангахад гишүүд хариуцлагатай ажиллах хэрэгтэй гэлээ. Мөн УИХ-ын намрын чуулганаар хот, нутаг дэвсгэрийн нэгжтэй холбоотой эрхзүйн реформ хийхээр зорьж байгаагаа тэмдэглэв.

Хуралдаанд Хот, хөдөөгийн сэргэлтийн бодлогын хэрэгжилтийн явц, цаашид авч хэрэгжүүлэх арга хэмжээ, Газар зохион байгуулалт, геодези зураг зүйн салбарт тулгамдаж буй асуудал, Тусгай хамгаалалттай газрын талаар хариуцсан байгууллагууд танилцуулга хийв. Монгол Улсын Засгийн газар анх удаа нийслэл Улаанбаатар хотын төсвийг нэмэгдүүлэн түгжрэл, агаарын бохирдлыг бууруулах, зам, түүний стандартыг сайжруулахад анхаарч буй. Хот байгуулалт, төлөвлөлт, газар зохион байгуулалтыг боловсронгуй болгох асуудлыг хариуцсан агентлаг байгуулах төслийг тус хуралдаанд танилцууллаа.

Мөн Байгаль орчин, аялал жуулчлалын сайд Б.Бат-Эрдэнэ “Зөвшөөрлийн тухай хуулийн дагуу  газар зохион байгуулалтын ерөнхий төлөвлөгөөтэй болсны дараа газар олголт хийх ёстой”. Тиймээс манай яамнаас энэ оны эхнээс газар олголт огт хийгээгүй. Ерөнхий төлөвлөгөөг эцэслэн гаргасны дараа газар олгох, тэр хүртэл өмнө олгосон газруудыг цэгцлэх ажлын хүрээнд Горхи-Тэрэлж, Богдхан уулын тусгай хамгаалалтын бүсэд 1000 га газрыг цуцлах арга хэмжээг өнөөг хүртэл авч байна. Мөн сав газрууд болон үерийн ам дахь газар олголтуудыг цуцлах ажиллагаа үргэлжилж байгаа” гэлээ. Танилцуулгуудтай холбогдуулан гишүүд асуулт асууж, санал солилцлоо.

“Асуудлаа танилцуулж, хэлэлцэж нэгдсэн дүгнэлтэд хүрэх нь чухал. Тэгж байж Засгийн газар, УИХ-ын түвшинд нэгдсэн дүгнэлт, ойлголттой болно. Өнөөдөр газар ашиглах шаардлага, дэглэм, горимыг 12 хуулиар зохицуулж байна. Цаашид эрхзүйн орчныг сайжруулах, нэгдсэн төлөвлөлт хийх, эрдэмтэн судлаачдаа сонсох, олон улсын байгууллагуудын дүгнэлт, зөвлөмжид тулгуурлан ажиллах, олон улсын экспертүүдтэй хамтрах шаардлагатай”-г Ерөнхий сайд Л.Оюун-Эрдэнэ онцоллоо. Нийслэлийн автозамын хөдөлгөөний түгжрэл, түүний нөлөөллийг бууруулах тухай хуулийн төслийн үзэл баримтлал, Газрын багц хуулийн шинэчилсэн найруулгын төслийг эцэслэн Үндэсний хорооны дараагийн хуралдаанд танилцуулах, газар олголтыг зогсоосон шийдвэр хэт удаан үргэлжилж болохгүй. Иймд геодиз зураг зүйн газар ерөнхий  төлөвлөлтөд орсон газруудыг олгох асуудлыг судалж, шийдвэрлэхийг холбогдох сайд нарт үүрэг болголоо. Мөн Улаанбаатар хотын төлөвлөлтийн талаар өгсөн олон улсын байгууллагуудын зөвлөмж, дүгнэлт, эрдэмтэн судлаач, архитекторуудын санал дүгнэлтийг нэгтгэн танилцуулахыг тус хорооны дэд дарга, ЗГХЭГ-ын дарга Д.Амарбаясгаланд даалгалаа.

Үндэсний хороо байнгын ажиллагаатай Ажлын албатай байхаар боллоо.

Эх сурвалж: ЗГ


2
angry
0
care
2
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Гранд плазагийн уулзвараас 11 дүгээр сургуулийн уулзвар хүртэлх авто замыг хааж, шинэчилнэ 1 цагийн өмнө
МАН-ын бага хурлыг маргааш болно 2 цагийн өмнө
Зургаадугаар сараас эхлэн тэтгэврийн зээлийг хуучин журмаар олгоно 2 цагийн өмнө
Танилц: Цахилгаан хязгаарлах байршлууд 2 цагийн өмнө
Иргэд: Хотын гудмаар их айдастай алхдаг. Учир нь дугуй, скүүтэр хаанаас гарч ирээд мөргөх эрсдэлтэй 2 цагийн өмнө
Өнөөдөр Алтай, Хангай, Хөвсгөлийн уулархаг нутгаар бороо орно 2 цагийн өмнө
Ази, Номхон далайн бүсийн аялал жуулчлалын зах зээл 3.3 их наяд ам.долларт хүрчээ 15 цагийн өмнө
Барилгачдын их хуралд салбарын шинэ 100 стратеги танилцуулж, бүтээн байгуулалтын шинэ эринд уриалав 18 цагийн өмнө
Ой, хээрийн түймэр өнгөрсөн оноос 31 хувиар нэмэгджээ 20 цагийн өмнө
МАН-ын бүлгийн хуралдааныг хаалттай горимд шилжүүлжээ 20 цагийн өмнө
С.Одонтуяа: Ерөнхий сайдыг огцруулах бичигт гарын үсэг зурахгүй 21 цагийн өмнө
О.Алтангэрэл: Ерөнхий сайдын асуудал шалгагдаад нотлогдвол хариуцлага тооцох боломжтой 21 цагийн өмнө
С.Ганбаатар: Нийтийн албан тушаалд ажиллаж буй хүний хүүхдүүд улсын сургууль, цэцэрлэгт явах ёстой 21 цагийн өмнө
Х.Нямбаатар: Хүний гэр бүл, үр хүүхдээр улстөр хийх хамгийн адгийн үйлдэл шүү 22 цагийн өмнө
Ирэх 10 хоногт цаг агаар ямар байх вэ 23 цагийн өмнө
Халдварт саа өвчний эсрэг вакцинд үнэ төлбөргүй хамрагдах боломжтой 23 цагийн өмнө
Уулчин Б.Батхишиг, А.Баттогтох нар Эверестийн оргилд амжилттай авирлаа Өчигдөр
“Эрүүл мэнд - Хүртээмж - Чанар” хандивын аянг хэрэгжүүлж эхэллээ Өчигдөр
Голомт банк UNIVERSE шинэ картуудаа танилцууллаа Өчигдөр
Ерөө суманд гарсан ойн түймрийг бүрэн унтраалаа Өчигдөр