Монгол судлалын холбооны ЕНБД-аар Д.Заяабаатарыг томилов

ОУ-ын Монгол судлалын холбооны хурлаар Ерөнхий нарийн бичгийн дарга С.Чулууныг чөлөөлж МУИС-ийн Монгол судлалын хүрээлэнгийн захирал, доктор, профессор Д.Заяабаатарыг томилсон байна. 

1959 оноос эхлэн Олон Улсын Монголч Эрдэмтдийн Их хурлыг 5 жилд нэг удаа Монгол улсад тогтмол зохион байгуулдаг болсон. Олон Улсын Монголч Эрдэмтдийн Их хурал нь оролцогчдынхоо тоогоор ч, хэлэлцэх асуудлын цар хүрээгээрээ ч, тогтмолжсон байдлаараа ч дэлхийн өөр аль ч оронд энэ чиглэлээр болдоггүй том хурал юм.

Уг хурлаар тус холбооны дүрмийн дагуу дараагийн хүнийг томилсон гэж байгаа юм. Шинээр томилогдсон Д.Заяабаатар нь УИХ-ын гишүүн Ч.Ундрамтай нэр холбогдсон ч өөрөө үгүйсгэн "Болоогүй зүйлд гөрдүүлэх гутамшиг юмаа. Ажил хэргийн талбарт баг болж ажиллаж байсан нь үнэн. Увиагүй энэ үйлдэл зохих газраа шийдэгдэх ёстой" хэмээн өөрийн цахим хуудастаа мэдэгдэж байсан юм.