НЦГ: Үерт амиа алдсан 44 настай Т-н дөрвөн хүүхдэд нийгмийн халамж үзүүлэхээр болсон

Нийлэлийн Баянзүрх дүүргийн 21, 27 дугаар хороо өнгөрөгч наймдугаар сарын 05-ны өдөр үерт автсан. Үерийн улмаас амь эрсдсэн иргэдийн талаар цагдаагийн байгууллагаас мэдээлэл өглөө. 

Уг мэдээлэлд "Үерийн улмаас 105 орчим тээврийн хэрэгсэл үерт автсан. Харамсалтай нь дөрвөн иргэн амь насаа алдсан. Эхний дуудлага мэдээлэл наймдугаар сарын 05-ны орой 21:21 цагт Монгол гэрт хоёр иргэн тогтонд цохиулж нас барсан байна гэх дуудлага мэдээлэл цагдаагийн байгууллагад ирсэн. Шүүх шинжилгээгээр амиа алдсан хоёр иргэн гадны ямар нэгэн нөлөөгүйгээр буюу үерээс болж нас барсан гэдэг нь тогтоогдсон.

Дараагийн дуудлага ГССҮТ-өөс 22:46 цагт хоёр иргэний тээврийн хэрэгсэл үерт автаж 10 сартай хүүхэд алга болсон тухай мэдээлэл ирсэн. Улмаар хүүгийн цогцсыг 00:00 цагийн үед олж эрлийг зогсоосон. 

Улмаар наймдугаар сарын 06-ны өдрийн 03:00 цагт самналт хийж үзэхэд 27 хороонд хүн амьдардаггүй байрны дэргэд 10-15 насны хүүхдийн цогцос байж болзошгүй байна гэх дуудлага мэдээллийн дагуу шалгахад 44 настай Т болох нь тогтоогдсон. Үерт амиа алдсан хүний тоог нуун дарагдуулаагүй, наймдугаар сарын 5-6-нд самналт хийж тоог гаргасан. Нийт дөрвөн иргэн харамсалтайгаар амиа алдсан. Иргэн Т-н дөрвөн хүүхэдтэй цагдаагийн байгууллагын алба хаагчид болон Нийслэлийн гэр бүл хүүхэд залуучуудын газраас өнөөдөр уулзаж нийгмийн халамж үзүүлэхээр болсон" гэдгийг мэдээллээ.