УОК-ын дарга С.Амарсайхан: Үерийн улмаас амь насаа алдсан иргэдийн ар гэрийнхэнд гүн эмгэнэл илэрхийлье

Шадар сайд, УОК-ын дарга С.Амарсайхан: Үерийн үеэр харамсалтайгаар амиа алдсан 10 сартай нярай, 14 настай хүүхэд, хоёр том хүн нийт дөрвөн хүний ар гэрийнхэн, төрөл төрөгсдөд гүн эмгэнэл илэрхийлье. Наймдугаар сард түр зуурын дуу цахилгаантай, хүчтэй аадар бороо үргэлжлэн орох мэдээллийг ЦУОШГ-аас өгсөн. Иймд иргэд анхаарал, сонор сэрэмжээ дээшлүүлж, эрсдэлгүй газар зорчихыг хүсье. Сэргээн засварлах боломжгүй болсон 13 айлыг эхний ээлжинд орон байртай болгоно. УОК бэлэн байдлын төлөвлөгөөгөө байнга өөрчилж байна. Гамшгийн улмаас орон байргүй үйлдсэн иргэдэд орон байр, хоол хүнсний тусламж үзүүлэх шаардлагатай арга хэмжээг авч байна.

Баянзүрх дүүргийн 21, 27, 29 дүгээр хорооны нутаг дэвсгэр Жамсран уулын баруун талын аманд буусан уруйн үерийн хор уршгийг арилгах, авто зам, гарцыг чөлөөлөх, үерийн усанд урссан автомашиныг татан гаргах ажиллагаанд Онцгой, Цагдаа болон нийслэл, дүүргийн Гамшгаас хамгаалах албад, мэргэжлийн ангийн нийт 1,019 алба хаагч, 51 техник хэрэгсэлтэйгээр,  Зэвсэгт хүчний анги, байгууллагаас 250 алба хаагчийг үерийн хор уршгийг арилгах, сэргээн босгох ажиллагаанд татан оролцуулж байна.