Д.Сумъяабазар: Зөвхөн гал унтраах төдий биш үр үндсээр нь өөрчилнө

Нийслэлийн Засаг дарга бөгөөд Улаанбаатар хотын Захирагч Д.Сумъяабазар: Газар олголттой холбоотой асуудлаар эхнээс нь зарим газруудын эрхийг нь цуцлаад явж байна. Төлөвлөлтөөс үүдсэн алдаатай холбогдуулан аж ахуйн нэгжүүдтэй хариуцлага тооцно. Зөвхөн гал унтраах төдий биш үр үндсээр нь өөрчилнө. Үүний тулд хууль эрх зүйн асуудал хөндөгдөнө. Хот төлөвлөлттэй холбоотойгоор газар олголтоо шийдэхгүй бол улам хүндэрнэ. Өнөөдөр усны инженерүүдтэй хуралдана. Мөн Солонгос, Хятад улсын инженерүүдтэй зөвлөлдөж, туршлага судална.

"Өнөөдөр нийслэлд үүсээд буй нөхцөл байдал хотын төлөвлөлтийн алдаанаас үүссэн гэдгийг хүлээн зөвшөөрөх ёстой. Ялангуяа Зайсан, Яармаг орчимд Байгаль орчны үе үеийн сайд нарын олгосон газар олголтын алдаа. Энэ бол миний болон Байгаль орчны сайд хоорондын хувийн асуудал биш. Замбараагүй газар олголт болон тухайн олгосон газарт орон сууц болон оффисын барилга барьснаас үүссэн. Иймээс хуулийн хүрээнд асуудлыг шийдэх хэрэгтэй. Байгаль орчны үе үеийн сайд нарын зөвшөөрлөөр Тэрэлж орчимд газар олгосон. Үерийн нөхцөл байдал үүсэхэд бидний хариуцах асуудал биш хот өөрөө хариуцна гэж зугтдаг" гэв.