Н.Өнөрцэцэг: Монголын шүүх, цагдаа, прокурор учраа мэдэхгүй 4 хүүхдэд эр бяраа гаргахаа боль

Өнөөдөр найман ишигний хэргийн талаар Сэтгүүлч Н.Өнөрцэцэг,  мөн найман ишигний хэрэгт аав ээж нь холбогдсон байгаа, тэдний том хүү Г.Төгөлдөр нар хэвлэлийн хурал хийлээ. 

Найман ишигний хэрэгт мөнгө угаах хэргээр шалгагдаад шүүхээр цагаадсан 80 настай Даариймаа эмээгийн тогтоолд Прокурор эсэргүүцэл бичжээ. 

Сэтгүүлч Н.Өнөрцэцэг: Найман ишиг нь хотондоо байгаа ийм малын хулгай гэж байдаг юм уу. Тал талын мэдээллээс үзэхэд Монголын шүүх, цагдаа, прокурор энэ удаа алдаа гаргачихжээ. Ой хоёр сартай хүүхэд, учраа мэдэхгүй дөрвөн хүүхдэд эр бяраа гаргахаа болилдоо.  Бид нар давж заалдах шатны шүүхэд өргөдлөө өгсөн. Хэзээ хурал болох нь тодорхойгүй байна. Хэнтий аймаг 3-4 шүүгчтэй, тэд нар нь амралтаа авсан, мөн тус аймгийн 100 жил болох гээд нааштай биш, шүүх хурал хурдан товлогдохгүй байна. Найман ишигний хэрэгт мөнгө угаах хэргээр шалгагдаад шүүхээр цагаадсан 80 настай Даариймаа эмээгийн тогтоолд Прокурор эсэргүүцэл бичсэн. Прокурор эсэргүүцэл бичсэн гэхээр туйлын их эгдүүцэл хүрч байна. Ямар мундаг прокурор вэ, өнөөдөр найман ишигний мөнгөөр мөнгө угаана гэж юу байх юм. Өнөөдөр зах зээлийн ханшаар нэг ишиг 50 мянган төгрөг, нийт найман ишиг 400 мянган төгрөг.  400 мянган төгрөгийн хэргээр хоёр хүнийг 2 жил ял өгчихсөн байна. 

Том хүү Г.Төрболд: Насаар чинь байлгана гэх мэтээр ээж аавыг прокурорууд дарамталсан. Хэвлэлд хандсанаас хойш сум орон нутгийнхан хэргийг зөвөөр ойлгосон. Манай малыг элдэж, туугаад байдаг байсан нь больсон. Дүү нарыг асрамжийн газар авна гэхээ больсон. Яг одоогийн байдлаар эмээгийн бие эрс муудсан. Бор-Өндөрийн шүүхийн туслах Прокурор эсэргүүцэл бичсэн гэдгийг эмээ рүү шууд залгаж хэлсэн. Тэр нь эмээд бүр их хүнд туссан. Эмээ одоо хэзээ ирээд намайг хорих гээд аваад явахын гээд дотроо шаналаад байж байна. Мөн малаа харж байгаа манай 12 настай дүү айгаад, улам тураад хүнд байдалд байна. Ой хоёр сартай дүү маань чихэртэй хар цайнаас өөр юм ууж, идэхээ больсон. Байдал улам л хүндэрч байна. Би сая долдугаар сарын 18-нд аав, ээжтэйгээ уулзлаа. Аав ээжийн нөхцөл байдал ч мөн хүнд байна. Маш их турсан, сэтгэл санаа нь ч хэцүү байна. 

Бичлэгээр үзэх: