​Ц.Хулан нарт холбогдох шүүх хурал өнөөдөр үргэлжилнэ

Ц.Хулан нарт холбогдох шүүх хурал өчигдөр болж,  нотлох баримт шинжлэн судлаад завсарласан юм. Шүүх хурал өнөөдөр буюу долдугаар сарын 21-ний 09:00 цагт эд мөрийн баримт шинжлэн судлахаар үргэлжилнэ.

Төрийн эсрэг гэмт хэрэг үйлдсэн гэх үндэслэлээр цагдан хоригдсон  Ц.Хулан, Б.Отгонбаатар нарт холбогдох хэргийн шүүх хуралдаан өнөөдөр 09.00 цагт эхэлжээ.  Нууцын зэрэглэлтэй учраас шүүх хурал хаалттай явагдаж байна. Тэгвэл Прокурорын зүгээс Ц.Хуланд 12 жилийн ял төлөвлөжээ.

Хэргийг эргэн сануулахад, Нийслэлийн прокурорын газраас “Гадаадын тагнуулын алба, байгууллага, иргэнтэй хууль бусаар хамтран ажиллах" гэмт хэрэгт холбогдуулан яллах дүгнэлт үйлдэж ирүүлсэн яллагдагч Ц.Хулан, Б.Отгонбаатар нарыг Сүхбаатар дүүргийн Эрүүгийн хэргийн анхан шатны шүүхийн шүүгчийн захирамжаар шүүхэд шилжүүлэх шийдвэр гаргасан билээ.