Ц.Отгонбаатар: Зээлээр хаашаа, байшингаа тохижуулаад явна, хүүхдүүддээ зориулан хашаандаа усан оргилуур хийсэн

Хамтдаа байшингаа өөрсдийн гараар бариад, хашаагаа будаж тохижуулаад, усан оргилуур, хүүхдүүдийнхээ тоглох сагсны талбайг хүртэл шийдэж, гэрээрээ нэг цэцэг алаглуулсан цэмцгэр нэгэн айл бол Архангай аймгийн Ц.Отгонбаатарынх хэмээх залуу гэр бүл юм.

Ц.Отгонбаатар: Зээлээр хаашаа, байшингаа тохижуулаад явна, хүүхдүүддээ зориулан хашаандаа усан оргилуур хийсэн. Нуулгүй хэлэхэд архины хамааралтай байсан, харин одоо бол архи, тамхи хэрэглэдэггүй

Архангай аймагт хашаагаа онцлог тохижуулсан, үлгэр жишээ ч олон айл өрх байлаа. Бид Ц.Отгонбаатар хэмээх хөдөлмөрч нэгэн айлаар зочилсон юм. Хашаа байшингаа маш гоё тохижуулжээ. Хашаан дотроо усан оргилууртай, хүүхдүүд нь тоглох сагсны талбай, теннисийн ширээ байв. Мөн ариун цэврийн асуудлыг био 00-оор шийдсэн нь бас нэгэн гоё шийдэл байлаа.

Харин Ц.Отгонбаатар ийнхүү ярив. "Зээлээр энэ бүгдийг бага багаар ингэж тохижуулаад явна. Сүүлийн хоёр жил ингэж хашаа байшингаа онцлог болгож эхэлсэн. Юу нуух уу би өмнө нь архины хамааралтай байсан, залуу хүн алдаж онодог, олон ч алдаж байсан. Хүүхдүүд том болоод ирэхээр хүн ойлгодог юм билээ. Одоо бол архи уудаггүй, тамхи татдаггүй. Аль болох гэр бүлээ аз жаргалтай амьдруулахыг хичээдэг"

Бичлэгээр үзэх: