Өндөржүүлсэн бэлэн байдлын зэрэг дуусгавар боллоо

Нийслэлийн Засаг дарга бөгөөд Улаанбаатар хотын Захирагч, Нийслэлийн онцгой комиссын дарга Д.Сумъяабазар: Нийслэлийн хэмжээнд 11 байршил үерт автаад байсан бол одоогийн байдлаар Сүхбаатар дүүргийн 1 дүгээр хороо болон Баянзүрх дүүргийн 43 дугаар хороо буюу Сэлбэ голын орчмоос бусад байршлын нөхцөл байдал хэвийн боллоо. Өчигдөр шөнийн 00:00 цагт өндөржүүлсэн бэлэн байдлын зэрэг дуусгавар болж, Шуурхай штаб буужээ. Цаашид үерийн хор уршгийг арилгах, эрчим хүчинд холбогдоогүй үлдсэн барилгуудыг цахилгаанд холбох ажлыг үргэлжлүүлнэ. Өндөржүүлсэн бэлэн байдалд Шуурхай штабт ажилласан алба хаагчид 132 цагийн турш амрах чөлөө, завгүй ажиллалаа. Онцгой, хүнд нөхцөл байдалд сэтгэл, зүтгэл гарган ажилласан та бүхэндээ нийслэлийн иргэдийн өмнөөс болон хувийн зүгээс гүнээ талархаж байна. Хэрэв та бүхний дэмжлэг, хүч хөдөлмөр, хичээл зүтгэл байгаагүй бол Улаанбаатар хот одоогоор учраад буй хохирлоос хэд дахин их хохирол амсах байлаа. Хамтдаа тэмцэж, гар бие оролцсон хүн бүр баатар гэдгийг онцлон хэлмээр байна” хэмээлээ.