С.Амарсайхан: Өнөө шөнийн дотор 30 мянган шуудай элс бэлтгэх шаардлагатай байна

Одоогийн байдлаар үерийн хэмжээ багасаагүй, маргаашнаас Улаанбаатар хотоор дайран өнгөрөх Туул голын түвшин 270 см хүрч, үерийн аюултай түвшинг 10 см давах төлөвтэй байгаа талаар Шадар сайд С.Амарсайхан мэдээллэ. 

Тэрбээр энэ тухай "Үерийн далангуудыг хүчитгэх элс, шороо зөөж буй том оврын автомашиныг 200-аар нэмэгдүүлэх ажлыг шуурхайлж, төрийн болон хувийн өмчийн аж ахуй нэгж байгууллагуудаас түрээслэх зэргээр шийдвэрлэх, өнөө шөнийн дотор 30 мянган шуудай элс бэлтгэх шаардлагатай байна.

Мөн өндөржүүлсэн бэлэн байдалд ажиллаж буй 1000 гаруй алба хаагчийн ажиллах боломж нөхцлийг сайжруулж, нэг ч албан хаагчийг зориулалтын гутал хувцас, багаж хэрэгсэлгүй ажиллуулахгүйгээр хангамжийг сайтар бэлтгэх, хөдөлмөрийн аюулгүй байдлыг чандлан сахиулж ажиллуулж байна" гэв.