Д.Сумъяабазар: Туул гол эргээсээ халивал Ривер гарден орчмын хорооллууд, цаашлаад Яармаг орчим өндөр эрсдэлтэй болно

Үргэлжлэн орсон борооны улмаас нийслэлд үүсээд байгаа нөхцөл байдлыг хэрхэн даван туулахаар ажиллаж буй талаараа НОК -оос /23 цагийн/ мэдээг өглөө.

Д.Сумъяабазар: Туул гол эргээсээ халивал Ривер гарден орчмын хорооллууд, цаашлаад Яармаг орчим өндөр эрсдэлтэй болно.

Шадар сайд С.Амарсайхан: Хүн бүхэн анхаарал болгоомжтой байх шаардлагатай байна.

 Батлан хамгаалахын сайд Г.Сайханбаяр: Цэргийн ёслолын жагсаалыг цуцаллаа. Жагсаалын бэлтгэлд оролцож байсан цэргүүд үер усны аюулаас сэргийлэх ажилд нэмэлт хүчээр ажиллах болж байна.

 Нийслэлийн засаг дарга Д.Сумъяабазар: Ер нь Сэлбэ голын дагуух бүтээн байгуулалтын ажлыг нэн яаралтай зохион байгуулах шаардлагатай юм байна. Туул голын эхэнд 30 орчим см зузаан нэмэгдсэн сэтгэл түгшиж байна.Үер усны аюулаас өөрсдийгөө хамгаалах тал дээр сонор сэрэмжтэй байх шаардлагатай. “Play time” наадам зохион байгуулагчдад бид сэрэмжлүүлэг хүргүүлсэн. Өөрсдөө эрсэдлээ бүрэн даагаад зохион байгуулна гэсэн. Нөхцөл байдал хүндрэх юм бол шууд албадан тараана.

  Хүүлгэн шилжүүлэлтийн ажлыг 100-150 айл дээр хийгээд эхэлж байна. Байгаль өөрөө анхааруулга сэрэмж өгч байна. Эд хөрөнгө хохирох наад талын асуудал цаашлаад хүний амь нас эрүүл мэндийн асуудал яригдана.Цахилгаан тасалдсан газруудад аль болох аюул эрсдэлгүй болгож байж холболт хийнэ. Өөрийн болон бусдын амь нас эрүүл мэндэд харшлах үйлдэл хийж байгаа аж ахуй нэгжүүдэд хатуу арга хэмжээ авна. Туул гол дээр зургаан байршилд бэхжилт хийнэ. Өнөө шөнөдөө 200 машин бэлтгэх, тонны шуудай бэлтгэх гээд засаг даргын болон засгийн газрын нөөц хөрөнгөөс төсөв гарган ажиллаж байна. Туул гол эргээсээ халивал Ривер гарден орчмын хорооллууд, цаашлаад яармаг орчим өндөр эрсдэлтэй болно.