ТАНИЛЦ: Цахилгаан тасарсан газруудын байршил

Өнөөдөр 14:00 цагийн байдлаар хотын төвийн зургаан дүүргийн хэмжээнд Улаанбаатар цахилгаан түгээх сүлжээний 702 дэд өртөөнд холбогдсон 29,913 хэрэглэгчийг болзошгүй эрсдэлээс сэргийлж, цахилгаан хүчдэлээс тасалсан.

09:00-20:00 цагийн хооронд нийт 213 хүн, 9 механизм, 32 авто машинаар УБЦТС ТӨХК-ийн албан хаагчид үүрэг гүйцэтгэж байна хэмээн тус компаниас мэдээллээ.

Томоохон хүрээний таслалтуудын байршил:

1. ЧД, СБД-ийн Зуслангийн чиглэл, Согоот, Дамбадаржаа, Салхит, Дарь-Эх, Ганц худаг орчмоор;
2. БЗД-ийн Натур, С-Оутлетс орчмоор;
3. СБД-ийн 1-р хороо Тээврийн цагдаагийн газар орчмоор, Коёото 32-35-р байр;
4. ХУД-ийн Алтай хотхон, Гэрэлт өргөө хотхон, Дэлгэрэх хотхон;
5. СХД-ийн 26-р хороо Баянбулагийн гудамжууд.

Усыг соруулж, аюулгүй байдлыг хангасны дараа хүчдэлд залгахад бэлэн байдалд ажиллаж байна.

Эх сурвалж: УЛААНБААТАР ЦАХИЛГААН ТҮГЭЭХ СҮЛЖЭЭ ТӨХК