Ерөнхий сайд Л.Оюун-Эрдэнэ үерийн үүссэн нөхцөлтэй холбоотойгоор зарим шийдвэрүүдийг гаргана

Ерөнхий сайд Л.Оюун-Эрдэнэ үерийн нөхцөл байдалтай 8 байршилд ажиллаж байна. Үүссэн нөхцөлтэй холбоотойгоор зарим шийдвэр гаргана гэж мэдээллээ.

Тодруулбал,

•     Сонгинохайрхан дүүргийн хоёр байршил
•     Сүхбаатар дүүргийн хоёр байршил
•     Баянзүрх дүүргийн нэг байршил
•     Баянгол дүүргийн нэг байршил
•     Хан-Уул дүүргийн хоёр байршил байна.

Өнөөдрийн байдлаар Сэлбэ голын далан “Улаанбаатар буян” компанийн талаас сэтэрч, ойр орчмын барилга руу ус нэвтэрсэн тул холбогдох албаныхан шуурхай арга хэмжээ авч ажиллаж байна. 

Тодруулбал, Сэлбэ голын ус халихаас сэргийлж Сүхбаатар, Баянзүрх дүүрэг талаас 400-450 метрийн урттай өргөн зурвас дээр1.2-1.5 метрийн шороон далан босгоод байсан юм. Гэвч бороо үргэлжлэн орсны улмаас голын усны түвшин 10-20 см нэмэгдэж, 10:00 цагийн үед “S Outlets” дэлгүүрийн ар талаар далан сэтэрчээ. Энэ байршилд Нийслэлийн онцгой комиссын алба хаагчид машин механизмтай ажиллаж, сэтэрсэн талыг битүүлэх арга хэмжээ авч буй. Мөн Цагаандаваанаас хайрга, дайрга зөөж даланг хүчитгэж байна.