ШУУРХАЙ: Д.Мөнх-Эрдэнэд оногдуулсан гурван жил 10 сарын хорих ялыг НЭГ ЖИЛ болголоо

Иргэн Д.Мөнх-Эрдэнийн Давж заалдах шатны шүүх хурал өнөөдөр /2023.07.05/ өглөө 10 цагийн орчимд эхэлж, дөнгөж сая шийдвэрийг танилцууллаа. Анхан шатны шүүхээс түүнд гурван жил 10 сарын хорих ял оногдуулж, нээлттэй ангид эдлүүлэх шийдвэр гаргасан юм. Тодруулбал, Д.Мөнх-Эрдэнийг нийтийн албанд ажиллах эрхийг 5 жил хасаж, нээлттэй хорих ангид 3 жил 10 сарын хорих ял, 2.7 сая төгрөгөөр торгох ялаар шийтгэсэн анхан шатны шүүхийн уг шийдвэрийг тэрбээр давж заалдсан юм. 

Тэгвэл Давж заалдах шатны шүүхээс Д.Мөнх-Эрдэнэд нэг жил 10 сарын хорих ял оногдууллаа.

Тэрбээр цахимаар шүүх хуралд оролцлоо. 

Түүнийг Монгол Улсын Эрүүгийн хуулийн тусгай ангийн:

• 22.1 дүгээр зүйлийн 2 дах хэсэгт заасан нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан,
• 22.5 дугаар зүйлийн 1 дэх хэсэгт заасан өөртөө болон бусдад давуу байдал бий болгох зорилгоор бусдад албаны чиг үүрэг, бүрэн эрх, албан тушаалын байдалтай нь холбогдуулан бүлэглэж хахууль өгөх,
• 23.1 дүгээр зүйлийн 1 дэх хэсэгт заасан хууль сахиулагчийг албан үүргээ биелүүлэхтэй нь холбогдуулан хүч хэрэглэхээр заналхийлж эсэргүүцсэн,
• 13.14 дүгээр зүйлийн 1 дэх хэсэгт заасан хүний нэр төр, алдар хүнд, ажил хэргийн нэр хүндэд халдсан худал мэдээллийг тараасан гэмт хэргийг үйлдсэн гэм буруутайд тус тус тооцож ял оноосон.