Сэрэмжлүүлэг: Голуудын усны түвшин өмнөх хоногоос 10-30 см нэмэгдсэн байна

Цаг уурын байгууллагаас ирүүлсэн мэдээллээр өчигдөр буюу  долдугаар сарын 4-ний өдрийн 16:00 цагийн байдлаар Хэнтийн нуруунаас усжих Туул, Тэрэлж, Сэлбэ, Улиастай, Хэрлэн голын усны түвшин өмнөх хоногоос 10-30 см нэмэгдэж, Тэрэлж, Улиастай, Хэрлэн гол үерийн түвшинг 5-20 см, Сэлбэ гол СБД-ийн 19 дүгээр хороо, Санзайн зуслангийн орчимд үерийн аюултай түвшинг даван үерлэж байна.

Өнөөдөр буюу 7 дугаар сарын 5-ны өдөр Улаанбаатар хот орчимд Туул голын усны түвшин 45 см орчим нэмэгдэж үерийн түвшинг 10 см даван үерлэх төлөвтэй байна. Мөн нийслэлийн нутаг дэвсгэрт олон хоног үргэлжлэн орсон борооны улмаас  бүртгэгдсэн үер, усны 7 удаагийн дуудлагаар алба хаагчид шуурхай ажиллан иргэдийн аюулгүй байдлыг хангасан байна

Эх сурвалж: ОБЕГ