Б.Пүрэвдорж: Жирийн ахмадын тэтгэвэр 50 мянгаар, гишүүний хадам аавынх нь тэтгэвэр 480 мянгаар нэмэгдсэн нь шударга бус

Ахмадуудын тэтгэврийн нэмэгдлийн талаар УИХ-ын гишүүн Д.Пүрэвдоржийн байр суурийг хүргэж байна. 

Энэ удаагийн тэтгэврийн нэмэгдэл шударга байж чадсан уу?

2014 оноос хойш, Итгэлцүүрийг жил болгон засгийн газраас гарган түүнийхээ дагуу тэтгэврийн зөрүүг арилгах ёстой. Гэтэл 2014 оны засгийн газрын шийдвэрээс хойш Итгэлцүүрийг гаргахгүй есөн жил болоод энэ удаад гаргасан. Энэ хооронд хэд хэдэн удаа тэтгэвэр нэмдэг. Ингэхдээ дандаа хувиар нэмдэг. Ингээд өндөр тэтгэвэртэй хүмүүс нь өндрөөр бага тэтгэвэртэй хүмүүс нь багаар нэмэгдэж ирснийг саяын шийдвэрээр зассан гэж үзэж байгаа юм. Гэхдээ яг үнэндээ нийт тэтгэвэр авч байгаа хүмүүсийн 85 хувь нь тэтгэврийн доод хэмжээ 400-500 мянган төгрөг л авдаг. Тэр хүмүүс дээр 40-50 мянган төгрөг л нэмэгдэж байгаа.

Одоо жишээ нь Ж.Чинбүрэн гишүүний хадам аав нь 550 мянган төгрөгийн тэтгэвэр авч байсан бол 770 мянган төгрөгийн тэтгэвэр авах ёстой. Гэтэл яагаад 1 сая 39 мянган төгрөг болов? гэдэг чинь асуудал байхгүй юу. Эндээс чинь хүмүүст том эргэлзээ бий болоод байна.