ЭЕШ-д амжилт үзүүлсэн сурагчдад тэтгэлэг олгож, бэлтгэсэн багш нарт мөнгөн дэмжлэг үзүүллээ

Элсэлтийн ерөнхий шалгалтад амжилт үзүүлсэн сурагчид болон бэлтгэсэн багш нарт аймгийн засаг дарга жил бүр тэтгэлэг олгодог. 2022-2023 оны хичээлийн жилийн жилд Дархан-Уул аймгаас нийт 4 сурагч ЭЕШ-д 800 оноо авсан бол олон улсын математик, англи хэлний шалгалтыг 27 сурагч амжилттай өгч 800 оноо дүйцүүлэн авсан юм. 

Эдгээр сурагчид болон 2 ба түүнээс дээш хичээл дээр ЭЕШ-д 700-аас дээш оноо авсан сурагчдад онооны үзүүлэлтээс хамааран жил бүр таван зуун мянгаас гурван сая хүртэлх төгрөгийн сургалтын тэтгэлэг олголоо. Энэ удаа нийт 42 сурагч аймгийн ЗД-ын тэтгэлэгт хамрагдлаа. Мөн сурагчдаа амжилттай бэлтгэсэн 23 багшид таван зуугаас хоёр сая төгрөгийн дэмжлэг үзүүлсэнд тэд баяртай байна.

Дарханы хүүхдүүд ЭЕШ-аараа 21 аймгаас 3-т эрэмбэлэгдсэн. Англи хэлээр хамгийн олон буюу 805 хүүхэд шалгалт өгч, 800 оноог 2 хүүхэд авч аймгийн дүнгээр улсдаа тэргүүлсэн бахдам амжилт гаргасныг аймгийн Засаг дарга онцлоод багш, сурагчдад талархал илэрхийлэн цаашдын сурлага, хөдөлмөрт нь өндөр амжилт хүслээ. Өмнөх 2 жилийн төгсөгчдөд мөн журмын дагуу тэтгэлгийг үргэлжлүүлэн олгох юм.