Т.Сүхболд: Шалгалтын явцад БЗ-ийн сангийн архивын зарим баримт байхгүй, дутуу байгаа асуудлууд гарч байна

ЦЕГ-ын Эрүүгийн цагдаагийн албаны дарга Т.Сүхболд: Боловсролын зээлийн сангийн үйл ажиллагааг шалгаж эхэлсэн, шалгалтын явцад тус сангийн архивын зарим баримт байхгүй, дутуу байгаа асуудлууд гарч байна. Боловсролын зээлийн сантай холбогдуулан 3000 хүнээс мэдүүлэг авсан. Шалгалтаар олон зуун оюутны хувийн хэргийг шалгаж байна. Гадаад хэлний бэлтгэлдээ сурснаас хойш цааш сурсан эсэх нь тодорхойгүй, Монголд эргэж ирээгүй, IELTS, TOEFL-ийн шалгалтын материал нь дутуу гэх мэт зөрчил нийтлэг илэрсэн. 16 жилийн хугацааг хамарсан шалгалт  хийж байна. Мөрдөн байцаагчид амралтын өдрүүдэд ч гэрчийн мэдүүлэг авч байгаа.