Н.Мишигдорж: Гандантэгчэнлин хийдэд шавилан суудаг бага насны хүүхдүүд хохирсон хэргийг Эрүүгийн хуулийн 12.1.4-р шалгаж байна

ЦЕГ-ын Мөрдөн байцаах албаны дарга, цагдаагийн хурандаа Н.Мишигдорж: Гандантэгчэнлин хийдэд шавилан суудаг бага насны хүүхдүүд хохирсон хэрэгт Эрүүгийн хуулийн тусгай ангийн 12.1.4-т зааснаар хэрэг бүртгэлтийн хэрэг нээн шалгаж байна. Шуурхай шалгаж шийдвэрлэнэ.  2023 оны зургадугаар сарын 23-нд УЕП-ын тушаалаар баталсан харьяалал тогтоох журмын дагуу Мөрдөн байцаах албаны хүүхдийн эсрэг гэмт хэрэг мөрдөн шалгах хэлтэст мөрдөн шалгах ажиллагаа явагдаж байна. 

Эрүүгийн хуулийн 12-р бүлэг: Хүний бэлгийн эрх чөлөө, халдашгүй байдлын эсрэг гэмт хэрэг

12.1 дүгээр зүйл. Хүчиндэх

12.1.4-т зааснаар ''Энэ гэмт хэргийг бага насны хүүхдийн эсрэг үйлдсэн; энэ гэмт хэргийн улмаас хохирогч нас барсан бол арван хоёр жилээс хорин жил хүртэл хугацаагаар, эсхүл бүх насаар хорих ял шийтгэнэ''