Сэрэмжлүүлэг: 13 настай хүүхэд голд живж амиа алджээ

Увс аймгийн Бөхмөрөн сумын 4 дүгээр багийн “Хэвийн ширэг” гэдэг газар /аймгийн төвөөс баруун хойд зүгт 180 км, сумын төвөөс зүүн хойд зүгт 13 км/-т 5 хүн (үүнээс 1 нь хүүхэд) мориор аялж яваад 1 хүүхэд  “Алтангадас” голын усанд живсэн тухай  дуудлагыг зургадугаар сарын 28-ны өдрийн 01:40 цагт хүлээн авчээ. Баян-Өлгий аймгийн Онцгой байдлын газрын Эрэн хайх, аврах бүлгийн алба хаагчид Д/13 настай, эрэгтэй/-ийг эрэн хайх ажиллагааг зургадугаар сарын 28-ны өдрийн 09:22 цагаас эхлэн зохион байгуулж мөн өдрийн 10:22 цагт анх осолдсон газраас зүүн хойд зүгт 20 метр зайд 3 метрийн гүнээс цогцсыг олж гарган Увс аймгийн Цагдаагийн газрын мөрдөн байцаагчид шилжүүлэн өгсөн байна. 

Эх сурвалж: ОБЕГ