Хутга гаргаж танхайрсан иргэн өмнө нь дөрвөн удаа ял шийтгэгдэж байжээ

Н.Мижидмаа
2023/06/27

Цагдаагийн байгууллагад 2023 оны 06 дугаар сарын 27-ны өдөр 14:50 цагт Баянгол дүүргийн 14 дүгээр хороо "Ачлал" их дэлгүүрийн зүүн талд ачилтын хүмүүс хутга гаргаад байна гэх дуудлага, мэдээллийн дагуу Баянгол дүүргийн цагдаагийн газрын нэгдүгээр хэлтэс зөрчлийн гомдол, мэдээллийн бүртгэлд авч, материалжуулан шалгаж байна. 

Тодруулбал: "Баян хаябуса" ХХК-ний жолооч Ш нь иргэн М-ын эзэмшлийн тээврийн хэрэгсэлийг ачиж явах үед иргэн М нь машин ачлаа гэх шалтгаанаар маргаан үүсгэх үед жолооч Ш-тэй хамт явсан Ц гэгч нь маргаанд оролцож, улмаар гудамж, талбайд хутга гаргаж танхайрсан байна.  Иргэн Ц нь урьд өмнө хулгайлах, танхайрах гэмт хэргээр нийт 4 удаа ял шийтгэгдэж байжээ.

Автомашин ачилтын талаарх эрх зүйн зохицуулалтыг тодруулахад Нийслэлийн Иргэдийн Төлөөлөгчдийн хурлын 2015 оны 33/35 дугаар тогтоолоор нийслэлийн 77 гудамж, талбайгаас хууль, дүрэм зөрчсөн тээврийн хэрэгслийг зөөж шилжүүлэх зохицуулалттай ба нийслэлийн хэмжээнд өнөөдрийн байдлаар 15 аж ахуйн нэгж гэрээний үндсэн дээр үйл ажиллагаа явуулж байна.

Энэ талаар Хууль зүй, дотоод хэргийн сайдын 2019 оны А/101 дугаар тушаалаар батлагдсан журмын 9.12.1 дэх хэсэгт зааснаар "...шилжүүлэх өмнө болон шилжүүлэх явцад тухайн тээврийн хэрэгслийн жолооч ирсэн тохиолдолд тээврийн хэрэгслийг хүлээлгэн өгнө" гэж заасан боловч уг журмыг биелүүлэхгүй маргалдаж, хэл амаар доромжлон, хутга гаргасан нь урьдчилсан байдлаар тогтоогдож байна.

Иргэн Ц-ийн дээрх үйлдэл нь Зөрчлийн тухай хуулийн 5.1 дүгээр зүйлийн 2 дах хэсэг /Олон нийтийн газарт биеэ зүй бусаар авч явах/, 5.2 дугаар зүйлийн 1.4 дэх хэсэг /Танхайрах/ зэрэг хууль тогтоомжийн заалтыг зөрчсөн шинжтэй үйлдэл байна.


67
angry
3
care
9
haha
11
liked
7
love
15
sad
8
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Маргааш хоёр байршилд зам хаана 4 цагийн өмнө
Наадмын үеэр 14 иргэн амь насаа алджээ 5 цагийн өмнө
​Японы Эзэн хаан айлчлалаа "хэзээ ч мартагдашгүй" хэмээн тодорхойлов 5 цагийн өмнө
​Бага насны хүүхдүүд галт зэвсгээр тоглон сум алдаж, нэгнээ гэмтээжээ 5 цагийн өмнө
​Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж байна 9 цагийн өмнө
Өнөөдөр 30 градус дулаан байна 9 цагийн өмнө
Өрхийн эмнэлгүүд 10:00-15:00 цагийн хооронд ажиллаж байна Өчигдөр
Танилц: Түүхэн ойтой аймаг, сумын баяр наадмын тов гарчээ Өчигдөр
Сүүлийн хоёр хоногт усны ослоор таван иргэн амь насаа алджээ Өчигдөр
Хонгорын хүү Монголын бөхөө Өчигдөр
Шөвгөрсөн бөхчүүд чимэг нэмлээ Өчигдөр
​Улаанбурхан өвчний батлагдсан тохиолдол 12,212 боллоо Өчигдөр
Эрчим хүчний гудамжны авто замыг хаана Өчигдөр
Э.Батмагнайг “Галхонгор” ХХК хоёр өрөө байраар мялаалаа Өчигдөр
Нийслэлд бороо орно Өчигдөр
Уяачдын наадамд манлай уяач М.Цэрэнжавын хүрэн халзан түрүүллээ 2025/07/13
Томоохон голуудын усны түвшин өмнөх өдрөөс 5-10 см-ээр нэмэгдсэн байна 2025/07/13
Сэрэмжлүүлэг: Архангай, Өвөрхангай, Булганы залгаа нутгаар аадар бороотой 2025/07/13
Гачууртад шүлхий өвчин гарч, хорио цээрийн дэглэм тогтоолоо 2025/07/13
У.Хүрэлсүх: Хаана эв нэгдэл байна, тэнд хүч чадал оршдог 2025/07/13