Ү.Амарбат: Яллагдагч Д.Эрдэнэбилэг 3 тэрбум төгрөгийн барьцаа төлж гадаадад эмчлүүлэхээр яваад алга болсон

Сүхбаатар дүүргийн иргэний хэргийн анхан шатны шүүхийн Ерөнхий шүүгч Ж.Болдбаатарын хууль бус үйл ажиллагаатай холбоотой гомдлыг АТГ-т гаргажээ. 

Эрдэнэ үйлдвэр ТӨҮГ-т 4 их наяд төгрөг,  Дарханы төмөрлөгийн үйлдвэр ХХК-д 2,8 их наяд төгрөг, Цемент шохой ХК-д 374,5 тэрбум төгрөгийн хохирол учруулсан энэ хэрэг шүүхийн гаргасан шийдвэрээр яллагдагч Д.Эрдэнэбилэг  нь гадаад улсад зугтааж, хэрэг гацсан байдалтай байна. 

2023 оны хоёрдугаар сард яллагдагч Д.Эрдэнэбилэг эрүүл мэндийн зайлшгүй шалтгаанаар Сингапур улсад 14 хоног эмчлүүлэх хүсэлт  гаргасан байна. Тус хүсэлтийг Сүхбаатар дүүргийн Эрүүгийн хэргийн анхан шатны шүүхийн Ерөнхий шүүгч Ж.Болдбаатар захирамж гаргаж, яллагдагч Д.Эрдэнэбилэгийг ''14 хоногийн хугацаагаар Сингапур улсад эмчлүүлэх шаардлагатай'' гэсэн хүсэлтийг хангаж 3 тэрбум төгрөгийн барьцаа авах таслан сэргийлэх арга хэмжээгээр өөрчлөн сольсон байна. Гэвч тус хүсэлтийг шүүхээс шийдвэрлэхдээ Засгийн газар ба түүний итгэмжлэгдсэн төлөөлөгчдөд мэдэгдэлгүйгээр шүүх хурлыг зохион байгуулан тус шийдвэрийг  гаргажээ.