Хохирогч хүүг хамгаалалтад авлаа

Гандантэгчэнлин хийдэд шавилан сууж байсан 12 настай хүү хүчирхийлэлд өртөж, улмаар хэвлэл мэдээллийн байгууллагад хандсан. Хохирогч хүүтэй манай сэтгүүлч Н.Өнөрцэцэг ярилцсан бөгөөд хүү олон нийтэд мэдээллийг ил болгосноос хойш хуулийн байгууллагад байцаалт, мэдүүлэг өгч буй тухайгаа дурдсан байдаг. 

Гэрч, хохирогчийг хамгаалах үүднээс бага насны хүүхдийг төрийн хамгаалалтад нэн яаралтай авах шаардлагатай хэмээн үзэж ХНХ-ын сайд Булгантуяатай утсаар холбогдоход боломжтой гэж хариулсан. Улмаар өнөөдөр Нийслэлийн цагдаагийн газраас хүүг гэрч, хохирогчийн хамгаалалтанд авахаа мэдэгдсэн байна.